3 Mas’uul oo uu kujiro Hogaankii Hore ee Nabadgal-yada Jamiil Muxumed Gaas oo lagu qabqabtay Magaalada Addis Ababa.

(Jig-Jiga, June 22,  2008 Ceegaag Online)

Waxaa magaalada Addis Ababa laga soo qabqabtay mas’uuliyihiin horey uga tirsanaan jiray Maamulka Deegaanka Soomaalida isla markaana muddooyinkii dambe ku noolaa magaalada Addis Ababa ee xarunta Dalka Ethiopia.

Mas’uuliyiintan laga soo qabqabtay Magaalada Addis ababa ayaa kala ah  Jamiil Muxumed Gaas oo horey u ahaan jiray Hoggaanka Nabadgalyada iyo Barasaabka Gobolka Dhagaxbuur, Xamaw iyo Maxamed Ibraahim oo isna ahaan jiray Commissioner-ka Booliska Degaanka Soomaalida.

Mas’uuliyiintan ayaa ahaa kuwo ay in badan Dawladda Degaanku ku hawlanayd sidii ay u soo qaban lahayd isla markaana Xabsiga Jig-Jiga u soo taxaabi lahayd iyadoo ku eedeysay Dawladdu Mas’uuliyiintan inay gacan saar la leeyihiin Jabhadaha ka dagaallama Deegaanka.

Haddaba saddexdan Xubnood ayaa maanta la keenay Magaalada Jig-Jiga iyagoo laga yaabo in loo dhaadhiciyo xabsiga weyn ee magaalada Jig-Jiga loona yaqaano (xabsi Ogaadeen) halkaas oo ay Dawladdu Xadhig ugu diyaarisay,

Mas’uuliyiintan ayaa horey Shirkii dhawaan Jig-jiga lagu qabtay lagu soo eedeeyay waxay Dawladdu ugu yeedhay Nabad-diid isla markaana Maxkamadda Degaanku amar ku bixisay in la soo qabqabto..

Wixii kasoo kordha kala soco ceegaag Online

www.ceegaag.com

webmaster@ceegaag.com