|
Madaafiic
ayaa lagu weeraray garoonka diyaaradaha ee magaalada
Muqdisho iyo Hay'adda UNHCR oo dalbatay in shuruud
la'aan lagu sii daayo sarkaalkoodii
(Muqdisho,
June 23,
2008 Ceegaag Online)
Seddax madfac ayaa lagu
weeraray garoonka diyaaradaha xilli garoonkaasi uu aad u
mashquulsanaa oo ay diyaarado rakaab ah ka dagayeen kana
duulayeen.
Mid kamid ah labada
madfac ayaa ku dhacay xaruntii hore ee dugsiga farsamada
oo ku dhow garoonka Muqdisho.
Lama oga sababaha ka
dambeeyey weerarkaas madaafiic ee lagu qaaday garoonka
kol haddii aan la sheegin wax mas'uul oo ka tirsan
dowladda oo garoonka ka soo dagayey ama ka duulayey.
Dhinaca kalena nin ka
tirsanaa shaqaalaha hay'adda Concern ayaa kooxo hubeysay
waxa ay ku dileen gudaha suuqa Bakaaraha meel ku dhow
suuqa sarifka ee Bakaaraha agagaarka daarta Cali Dheere.
Ragga dilka geystay
ayaa ka koobnaa seddax nin, waxaana ay ku hubeysnaayeen
bastoolado, waxaana la sheegay in ay rasaas madaxa kaga
dhufteen marxuumka deetana ay goobta ka carareen.
******************************************************
Hay'adda UNHCR ayaa
dalbatay in si sharuud la'aan loo sii daayo Xasan
Maxamed Cali oo ahaa madaxii Hay'adda UNHCR ee Magaalada
Muqdisho.
Hay'adda ayaa codsatay
in la sii daayo mas'uulkaas sida uu sheegay Antonio
Guterres oo oo ah sarkaalka Q.M ugu qeybsan isku
dabaridka arrimaha gargaarka ee Soomaaliya.
Wuxuu sheegay Mr.
Antonio Guterres in Xasan Maxamed Cali uu kamid yahay
shaqsiyaad Soomaali ah oo u adeegaya bulshada
Soomaaliyeed oo uu sheegay in xiligaan ay heysato nolol
xumo baahsan, uuna ku howlanaa sidii dadkaa loo caawin
lahaa.
"Waa in la sii daayaa
mas'uulkaas waayo wuxuu ka shaqeynayey caawinta
walaalihiisa dhibaateysan ee ku barakacay Muqdisho iyo
Afgooye inta u dhexeysa" ayuu yiri Antonio Guterres.
Xasan Maxamed Cali (Keynaan)
oo ahaa madaxii hay'adda UNHCR ee qaxootiga adduunka
ayaa lagu afduubtay deegaanka Ceelasha biyaha ee
duleedka Muqdisho kadib markii rag hubeysan ay gudaha u
galeen aqalkii uu deganaa.
Xafiiska Wararka
Ceegaag.com Muqdisho, Somalia
Axmed Aadan Ibraahim
axmedmadoobe@hotmail.com
webmaster@ceegaag.com |
