Madaxwaynayaasha Djibouti iyo Somaliya oo wada hadalo ku leh Magaalada Jabuuti.

(Jabuuti, June 16,  2008 Ceegaag Online)

Waxaa maanta lafilayaa in ay yeeshaan kulan Madaxweynayaasha Soomaaliya iyo Jabuuti ,markii uu shalay halkaasi gaaray Madaxweynaha Dowladda  Federaalka Soomaaliya Mudane C/llaahi Yuusuf Axmed.

Kulankan Labada Madaxweyne wuxuu yahay mid looga hadlayo wax yaabo badan oo ka dhex jira Labada wadan iyo Sidii wax looga qaban lahaa xiriir Siyaasadeed ee dalalka Soomaaliya iyo Jabuuti ,waxaana Shirkaasi uu ka dhacayaa Guriga Madaxtooyada ee dalka Jamhuuriyada Jabuuti.

Warar ku dhow dhow Kulanka Labada Madaxweyne ayaa sheegaya in kulankaasi lugu soo qaadayo waxyaabo ay ka mid yihiin Siyaasada Bariga Africa ee Labada Madaxweyne ,Xaaladaha Soomaaliya ,Madmadow ku dhex jirey Madaxweynayaasha iyo Dagaalka Eritrea kusoo qaaday Dalka Jabuuti.

Warbaahinta dalka Jabuuti ayaa siweyn isha ugu heysa wada hadalaasi ,waxaana jira warar sheegaya in ay Labada Madaxweyne sidoo kale isla soo qaadayaan dagaalkii koobnaa ee dhawaan lagu soo qaaday dawladda Jabuuti ,ayna soo qaadeen ciidamada Xukuumada Asmara ,taasna waxa ay ka qaadanayaan go'aan mideysan.

Saraakiisha la socota Madaxweynaha Soomaaliya waxaa ka mid ah  Wasiirkiisa arimaha dibada iyo Taliyaha Nabadsugida Qaranka ,waxaana ayna Caawa la kulmayaan Saraakiisha amaanka ee dalka Jamhuuriyada Jabuuti oo ay kala tashanayaan xaalada amaanka ee Soomaaliya sidii wax looga qaban lahaa.

www.ceegaag.com

webmaster@ceegaag.com