Madaxweynaha Dowladda Federaalka Soomaaliya Mudane C/llaahi Yuusuf oo gaaray Dalka Jabuuti.

(Jabuuti, June 01,  2008 Ceegaag Online)

Madaxweynaha Dowladda Federaalka Soomaaliya Mudane Cabdullaahi Yuusuf Axmed ayaa goor dhow ka degay garoonka diyaaraddaha Magaalada Jabuuti. Ee Jamhiiriyada Djibouti.

Madaxweynaha iyo wafdigiisa ayaa waxaa si heer caalami ah ugu soo dhaweeyay Madaarka magaalada Jabuuti masuuliyiin ka tirsan Xukuumadda Jabuuti, xubno ka tirsan Dowladda KMG oo ku sugnaa Magaalada Jabuuti.

Madaxweynaha Dowladda Federaalka Soomaaliya Mudane C//laahi Yuusuf ayaa magaalada Jabuuti kuga qaybgalaya Shirka Golaha Amaanka ee lagu qabandoono magaalada Jabuuti, isagoo si gaar ah ula kulmi doona Wakiilka Xoghayaha Guud ee Qaramada Midoobay u qaabilsan Soomaaliya Ahmadu Ould Abdallah halkaasi oo ay iskula soo qaadi doonaan waxyaabihii ugu danbeeyay ee arrimaha Soomaaliya iyo shirka dib u heshiisiinta ee ay Marti galisay Dowladda Jabuuti.

Wajiga Kulanka Labaad ee maanta uga furmay Dowladda Federaalka Soomaaliya iyo isbaheysiga Asmara Magaalada Jabuuti  ayaa la filayaa in ay ka soo baxaan natiijo wax ku ool ah oo Umma Soomaaliyeed na ay si aad ha ugu Hanweyn yihiin waxa kasoo baxa si looga baxo dhibaatada iyo kala danbeyn la’aanta ka jirta Dalka Soomaaliya.

www.ceegaag.com

webmaster@ceegaag.com