Madaxweynaha Kenya Mwai Kibaki ayaa ku eedeeyey beesha caalamka in ay ka gaabiyeen wax ka qabashada xaaladaha ka jira dalka Somalia.

(Nairobi, June 14,  2008 Ceegaag Online)

Madaxweynaha dalka Kenya Mwai Kibaki ayaa ku eedeeyey beesha caalamka in ay ka gaabiyeen wax ka qabashada xaalaha murugsan ee ka jira dalka Soomaaliya oo xiligaan u muuqda kuwa ka sii daraya.

Hadalkan ayuu Mr. Kibaki ka jeediyey garoonka diyaaradaha magaalada Nairobi oo uu ka duulayey isagoo ku wajahnaa magaalada Addis-Ababa oo uu ka furmay shirka wadamada ku bahoobay ururka IGAD.

Wuxuu sheegay in beesha caalamku ay iska indha tireen xaaladaha murugsan ee ka jira Soomaaliya, waxaana uu ururka midowga Afrika iyo beesha caalamka si isku mid ah ay indhaha uga qarsadeen dhibta ka aloosan dalka Soomaaliya.

Mr Kibaki ayaa sheegay in loo baahan yahay in lacaawiyo shacabka Soomaaliyeed si ay u helaan nabad iyo kala dambeyn islamarkaana uga baxaan dhibaatooyinka ay mudada badan ku soo jireen.

Madaxweynaya Kenya Mwai Kibaki ayaa hadalkan waxaa uu warbaahinta ku siiyey garoonka Jommo Kenyata ee magaalada Nairobi oo uu xiligaas ka duulayey isagoo ku sii jeeda magaalada Addis-ababa ee xarunta dalka Ethiopia.

Xafiiska Wararka Ceegaag.com Muqdisho, Somalia

Axmed Aadan Ibraahim

axmedmadoobe@hotmail.com

webmaster@ceegaag.com