Meydadka Tahriibayaal Soomaali ah ayaa laga helay meel ku dhow Jasiirada Malta kadib markii ay soo caariyeen.

(Malta, June 12,  2008 Ceegaag Online)

Wararka laga helayo Jasiiradda Malta ayaa sheegaya in ciidamada Malta ay heleen meydadka dad Soomaali ah oo ay baddu soo tuftay kuwaas oo maalmo ka hor lagu waayey iyaga iyo doontii ay wateen badda u dhexeysa dalalka Talyaaniga iyo Liibiya.

Si cad looma oga tirada dadka dhintay ee meydadkooda laga helay Jaziirada Malta, hase ahaatee waxaa wararka ay sheegayaan in weli badda ay ku maqan yihiin meydadka dad kale.

Horaantii isbuucaan ayaa tiro dad Soomaali ah iyo doonidii ay la socdeen waxaa lagu waayey badda u dhexeysa dalalka Talyaaniga iyo Liibiya, illaa iyo haddana dadkaas midna lama hayo raq iyo ruux.

Soomaali badan ayaa si isbiimeyn ah naftooda qatar ugu galiya badda, iyagoo ka caraya dagaalada iyo colaadaha ka jira gudaha dalka Soomaaliya

Xafiiska Wararka Ceegaag.com Muqdisho, Somalia

Axmed Aadan Ibraahim

axmedmadoobe@hotmail.com

webmaster@ceegaag.com