|
Muwadiin
Soomaaliyeed oo lagu dilay Dalka Koonfur Africa
(Johannesburg,
June 13,
2008 Ceegaag Online)
Muwaadin
Soomaali ah ayaa lagu diley, mid kalana waa la dhaawacay
kadib markii rag hubeysan oo dhac u geeysanayay dukaan eey
joogeen ay tacshiirad huwiyeen, falkan ayaa ka dhacay tuulo
ku dhow Magaalada Rusternburg ee gobolka waqooyi bari ee
North West dalka Koonfurta Afrika.
Marxuumka la
diley ayaa magaciisa lagu sheegey Cabdi haashim Sheikh,
halka ninka la dhaawacay lagu magacaabo Cabdinaasir Maxamed
Waceys. Burcada ayaa goobta ka qaadatay lacago iyo alaabo
kale oo qiimo leh, goobtana ka baxsaday markiiba. Police-ka
ayaa wada baaritaano iyo daba gal, waxaana lagu wadaa in
maanta lagu aaso marxuumka geeriyooday quubaraha Muslimiinta
Ee Magaalada Rustenburg
Dhanka Kale. Police-ka Magaalda Rustenburg ayaa qabtay labbo
qof oo lagu eedeynayo in eey dileen Marxuumka dhintey Ee
Soomaaliga ah , mid kalana dhaawacayn, kuwaas oo shaqaale ka
ahaa dukaan weyn oo ku yiiley tuulada Kroondal ee duleedka
Rusternburg.
Labbada nin ee Soomaalida ah ayaa waxa ay shaqaale ka
ahaayeen dukaan weyn oo Supermarked ah kuna yiiley xaafada
Kroondal ee tuulada Matebeleng ee duleedka Rustenburg,
waxaana dukaanka soo weeraray rag hubeysan goor dukaanka la
xireyey, kadibna tacshiirad huwiyey.
Sida uu sheegay afhayeen Police-ka u hadlay, Constable Dituo
Modiko, qof ayaa Police-ka wacay ka hor inta aysan tuugada
baxsan, taasoo sahashay in eey gacanta kusoo dhigaan 2 nin
oo falka geystey oo da’dooda lagu sheegey 25 iyo 16 jir,
waxaana maxkamad lasoo taagi doonaa maalinta talaadada,
iyadoo loo heysto dacwad dil iyo dhac ganacsi ah.
Ninka Soomaaliga ayaa ku dhintey isbitaalka, halkaas oo la
geeyey isagoo dhaawac ah.
Si Kastaba ha
ahaatee Dowladda South Africa Ayaanan Talaabo Adag Ka qaadin
Dadka dilka u geysta hadh iyo goor Qaxootiga ku nool dalka
South Africa haba ugu badnaadan Qaxootiga Soomaaliyeed oo
hadh iyo jeer tacadiyo kala duwan lagula kaco..
W/D Hassan YeeY
Johannesburg,
South Africa
yeey18@hotmail.com
webmaster@ceegaag.com |
