Nelson Mandela oo 90 Jirsaday.. iyo Mareykanka oo Magaciisa ka saaray Liiska dadka Argagixisada.

(London, June 29,  2008 Ceegaag Online)

Waxaa Shalay guud ahaan dalka South Africa iyo dalka Ingiriiska looga dabaal degay  damashaad ku Aadan Dhalsahada  Madaxwenihii ugu horeyeey ee Madoow ee Xukunka Dalka South Africa qabta  isla markaana ah geesiga ugu weyn ee dunida maanta ku nool Nelson Rohilihla Mandela.

Mandela ayaa shalay u dabaaldagey dhalasadiisii 90-aad, waxaana uu munaasabadan xuskeeda ku qaatay Magaalada London ee Cariga Ingiriiska, Dadka ka soo qeyb galey xafladdan waxay isugu jireen dad caan ah iyo marti sharaf kale, waxaana ka mid ahaa Jilaaga Caanka ah ee Will Smith

                          

Nilson Mandela oo ah nin ay taariikh-du xustay halgankiisii dheeraa ee kula dirirayey gumeystihii ku dhisnaa midab kala sooca ee ka talin jiray dalkaasi muddo fog.

Nilson Mandela halgankaasi dheer uu galay xorriyada iyo sinaanta waxaa uu ku kasbaday inuu hello abaalmarinta nabada caalamiga ah ee Nobile Peace Price oo sanadkiiba mar laga baxiyo dalka Norway.

Dhinaca Kale Dowladda Mareykanka ayaa ka saartey Magaciisa iyo Magaca Xisbigiisa ANC Liiska Dadka Argagixisada Nelson Mandela taas oo uu ku kasbaday markii uu si weyn uga hor yimid Xukuumadii dadka laga tirade badan yahay ee ka talin jirtay Dalka Koonfur Afrika sanadkii 1960.

Senator John Kerry ayaa saxaafada u sheegay in Mareykanku ku qaldanaa Go’aankaas hadana ay garawsadeen kadibna ay ka saareen Liiska Dadka Argagixisada ah Ruug cadaaga Nelson Mandela iyo waliba Xisbigiisii ANC.

Haddaba waa kuma Nelson Mandela?

Nelson Rolihlahla Mandela,  dadka badankii waxay u yaqaanan ama ugu dhawaaqaan Magaciisa Nelson Mandela ama aan dhaahee Mandela Wuxuu ku dhashay Magaalada  la yidhaahdo Qunu oo ku taalla gobolka Eesern Cape 18, July 1918-kii, Aabahii magaciisa waxaa la odhan jiray Hendry Mphakanyiswa Mandela, Aabahii Hendry wuxuu ahaa Nabadoonka Qabiilka Mvezo oo dega magaalo dhereedka ku taalla daanta webiga Mbashe, Rolihlahla Mandela wuxuu noqday qofkii ugu horeeyey ee ka tirsan qoyska reer Mandela ee ku biira Dugsi waxbarasho isaga oo wakhtigaasi da'diisu ahayd 6 Sanno jir, intii uu baranaayey Dugsiga hoose ayaa waxaa loo bixiyey Magaca Nelson oo ah Magac Ingiriisi ah oo uu u baxshay Macalinkiisa oo bari jiray diinta kiristaanka Mad-habta Protestant-ka ee Methodism-ka, Aabahii Hendry Mandela wuxuu geeriyooday isaga oo toban sanno Jir ah, dabadeed Mandela wuxuu ku biiray iskuul kiniisadeed la odhan jiray Wesleyan Mission School oo uu dhawaa qasriga caanka ah ee la yidhaahdo Palace Regent, Markay da'diisu ahayd 16 sanno ayuu ku biiray dugsiga Hoyga leh ee Clarke bury "Clarke bury boarding School" Wuxuuna ka bartay Kulliyadda dhaqanka reer Galbeedka "Western Culture" Wuxuuna dugsigaasi ka qaatay shahaado Dhexe oo uu waday muddo laba sannadood ah "two years junior certificate".

Sido kale markay da'diisu ahayd 19 Jir wuxuu Mandela u guuray Kuuliyadda Wesleyan "Wesleyan college" oo ku taallay magaalada Fort Beaufort, kulliyadaasi oo ku caan ahayd inay bartaan dadka dabaqadda sare ka soo jeeda oo ah Cadaankii tirada yara balse Maal-qabeenka u badna, wuxuuna Kulliyadaasi ka qaatay tababaro Feedhka iyo orodka ah, waxaanu uga sii gudbay Jaamacadda weyn ee Fort, "Fort University" halkaasi oo uu ka qaatay Shahaado sare oo cilmiga edabiga ah "Bachelor of Arts" intii uu joogay Jaamacadda Fort waxay Saaxiib ku noqdeen Oliver Tambo oo ahaa Saaxiib weyn oo Mandela Maantadani kaga yaalla meel weyn.

Si kastaba ha ahaatee Sannadkii ugu horeysay ee Jaamacadda Fort University ayaa wuxuu ka qayb qaatey Nelson Mandela waxbarasho joojin iyo Mudaharaad uu isagu hogaaminaayey oo ay ardaydu waagaasi kaga codsanaysay Maamulka jaamacadda Fort in ey wax ka badasho Siyaasadaheeda iyo nidaamkeeda Maamul, balse dhamaadkii Sannadkii ugu horeeyey ayaa laga eryey Jaamacadda Fort Unversity, waxaana Maamulka Jaamacadda fort ay Nelson Mandela u wareejiyeen Jaamacadda kale South Africa "the University of South Africa" oo ku taallay magaalada Johannesburg, wuxuuna Shahaadadiisi sare ee B.A ka dhamaystay Jaamacadda South Africa (Unisa), Dabadeedna wuxuu ka bilaabay cilmiga sharciga, jaamacadda sharciga ee Wits "Wits Law University" oo ku taalla magaalada Johannesburg.

La soco war Bixinta dambe ….

W/D Hassan YeeY

Johannesburg, South Africa

yeey18@hotmail.com

webmaster@ceegaag.com