Sakeriye Maxamuud X. Cabdi oo si kulul u weeraray Labada Shariif.

(Asmara, June 06,  2008 Ceegaag Online)

Guddoomiye ku xigeenka Isbaheysiga Asmara Sakeriye Maxamuud X. Cabdi ayaa si kulul waxa uu u Weeraray Madaxda Isbaheysiga isagoo ku eedeeyay in ay galeen qiyaano qaran oo ka dhan ah Isbaheysiga Asmara.

Isagoo ku sugan Magaalada Asmara ee Xarunta Dalka Eritrea Sakariye Maxamuud Xaaji Cabdi oo qadka Telefanka ugu waramay TV-ga Al Carabiya ayaa waxa uu sheegay in ay jiraan wada hadalo qarsoodi ah oo dhaxmaray Safiirka Ethiopia u fadhiya dalka Jabuuti iyo Madaxda Isbaheysiga gaar ahaan Labada Guddoomiye ee Isbaheysiga Asmara Sheekh Shariif Sheekh Axmed iyo Shariif Xasan Sheekh Aadan waa sida uu hadalka u dhigay.

Sakariye Maxamuud xaaji Cabdi ayaa waxa uu sheegay in arinkaasi ay tahay mid meel ka dhac ku ah dastuurka Isbaheysiga Asmara islamarkaana qiyaano baahsan ay ka galeen Isbaheysiga iyo Shacabka Soomaaliyeed sida uu hadalka u dhigay .

Guddoomiye ku xigeenka Isabaheysiga Asmara ayaa tilmaamay in isbaheysigiisa ay heleen Macluumaad aan toos aheyn oo Sheegaya in wada hadalo toos uu dhaxmaray Dowladda Ethiopia iyo Labada Shariif (Sheekh Shariif iyo Shariif Xasan) taasina ay jabineyso dastuurka Isbaheysiga oo dhigaya in aan wax wada hadal ah aan lala galeynin dowlada Ethiopia inta ay isaga baxeyso gudaha dalka Somaliya.

waxaa wax lala yaabo ku tilmaamay ka bixitaanka Shirka Jabuuti ay isaga baxeen Madax ka tirsan isbaheysiga ka dib markii halkaasi lagu arkay Safiirka Dowlada Ethiopia u fadhiya dalka Jabuuti oo Shirka ka qeyb galaya,waxaana Sakiraye uu sheegay intaasi Suurta gal aheyn iyaga oo wahadalo qarsoodi marwalba la yeesha Safiirka Ethiopia u fadiya dalka Jabuuti in hadana dartii uga baxan Shirkaasi.

Sakariye Maxamuud Xaaji Cabdi Guddoomiye ku xigeenka Isbaheysiga Asmara ayaa ku eedeeyay Guddoomiyaha Isbaheysiga Sheekh Shariif iyo Shariif Xasan Sheekh Aadan in ay ka weeciyeen siyaasada Isbaheysiga islamarkaana ay yihiin kuwo ka baxsaday nidaamka Isbaheysiga uu ku socday,waxaana uu sheegay in uu sii heynayo xilka guddoomiyaha Isbaheysiga dib u xoreynta tan iyo inta laga soo dooranayo Guddoomiye Cusub Maadaama buu yiri Shacriga ku tuntay islamarkaana uu ka goostay isbaheyisga Guddoomiyaha isbaheysigaasi Sheekh Shariif Sheekh Axmed

Guddoomiye ku xigeynka Isbaheysiga Asmara Sakeriye Maxamuud X. Cabdi waxaa kaloo uu ka hadlay eedeeyntii guddoomiyaha isbaheysiga ku eedeeyay Dowlada Eritrea in ay isbaheysiga kala qeybinayso,waxaana Sakariye uu ku tilmaamay kuwo aan loo baahneyn islamarkaana Sheekh Shariif uu ku deg degay sida uu hadalka u dhigay.

www.ceegaag.com

webmaster@ceegaag.com