Mid kamid ah saraakiisha ciidanka booliska gobolka Hiiraan ayaa iska casilay jagadii uu ka hayey maamulka gobolkaas.

(G.Hiiraan, June 23,  2008 Ceegaag Online)

Kadib shir jaraaid oo uu qabtay Taliyihii ciidanka booliska gobolka Hiiraan Col. Maxamed Caddow Niiniile ayaa sheegay in uu iska casilay xilkii loo magacaabay ee uu u hayey maamulka gobolka Hiiraan.

"Waan iska casilay xilka, maanta wixii ka dambeeyana wax xil ah uma hayo maamulka" ayuu yiri Col. Maxamed Caddow Niiniile oo maamulka ugu magacawnaa taliyaha ciidanka booliska gobolka Hiraan.

Sababaha uu isku casilay ayuu sheegay in ay qeyb ka tahay xubnaha maamulka gobolka oo aan dan ka laheyn dhinaca amaanka, isagoo intaa raaciyey in amaanka gobolka Hiiraan uu faraha ka sii baxayo waa sida uu hadalka u dhigaye.

Illaa iyo hadda maamulka gobolka kama aysan hadlin iscasilaada taliyaha ciidanka booliska uu kaga dhawaaqay magaalada Baledweyne ee xarunta gobolka Hiiraan.

Magaalada xarunta ah ee Baledweyne ayaa shalay illaa xalay waxaa siyaabo kala duwan loogu dilay labo qof oo mid uu ahaa madaxi Hay'adda CRD ee gobolka Hiraan kaas oo rag hubeysan ay ku toogteen bartamaha magaalada Baledweyne.

Xafiiska Wararka Ceegaag.com Muqdisho, Somalia

Axmed Aadan Ibraahim

axmedmadoobe@hotmail.com

webmaster@ceegaag.com