|
Senator Barack
Obama, ayaa si rasmi ah ugu Guuleystay Musharraxnimada
Xisbiga Democraticiga ee Madaxtinimada Dalka Mareykanka.
(St. Paul,
June 04,
2008 Ceegaag Online)
Senator Barack Obama oo ay iska dhaleen Aabe
asalkiisu yahay Kenyan iyo hooyo caddaan ah waa 46 jir, ka
tirsan Aqalka odayaasha (Senate-ka) dalka Mareykanka waxaana
laga soo doortaa Gobolka Illinois.
Habeenimadii Xalay ayuu ku
Guuleystay Musharraxnimada Xisbiga Dimoqraadiga isagoo kala
hadley fagaare ku yaalla
Xcel Energy
Center in St. Paul
Minneapolis MN Shacab isugu
soo baxay oo lagu qiyaasey 20,000 oo qof si ay u dhegeystaan
qudbaddiisa, isagoo markaas sheegay inuu yahay
Musharaxa Xisbiga
Democraticga ee utaagan
Madaxtinimada Dalka Mareykanka
ee dhicidoonta Bisha November
ee sanadkan.
Senator Barack Obama Waa nin dhallintyaro ah oo
codkar ah, taageerayaal badanna leh. Waxaa mar kasta intii
qudbaddiisu socotey hadba hadalkiisa ka dhex gelayey dad
jilbeysan oo ku qaylinaya Magaciisa ….Obama…Obama… Obama
ayaa Madaxweyne noqonaya!
SIYAASADDIISA
Senator
Barack
Obama waa ninka da’ahaan
ugu yaraa musharrixiinta ka tirsan Xisbiga Democraticiga ee
u sharraxnaa Jagada Madaxweynenimada Mareykanka. Hase
yeeshee xubnaha Xisbigiisa ee la tartamay waxa uu dheeraa
hal faa’iido oo ah inuusan marna taageersanyn una codeyn
dagaalka Ciraaq intii uu Congress-ka Mareykanka ku jirey,
halka ay Hillary Clinton ay iyadu u codeysey isla markaana
taageertey dagaalka Ciraaq. Weliba Senator Barack Obama
waxaa uu soo diyaariyey oo uu horgeeyey Aqalka Congress-ka
Mareykanka qaraar ku baaqaya in kasoo bixidda ciidamada
Mareykanku ay billaabato waqti aan ka damabayn 1-da bisha
May ee sanadkii 2007.
Waxaa kale oo
qorshe-siyaasadeedkiisii ku jira inuu wax ka qabanayo
Adeegyada Daryeelka Caafimaadka,
Waxbarashada, Isbedelka Cimilada Adduunka, hoos u
dhaca Miisaaniyadda dhaqaalaha Mareykanka iyo qodobbo kale.
Senator Barack Obama ma ahan oo kaliya nin da’yar
oo Isbedel
doon ah, ee waxaa uu Diyaar u yahay inuu dalka
Mareykanka u dhigo Taariikh cusub,
waa ninkii ugu horreeyey ee Madow
ah ee si run ah ugu dhow inuu Madaxweyne ka noqdo
Dalka mareykanka.,isagoo xalay si weyn u helay
Musharaxnimada Xisbiga Democraticiga
SHAQSIYADDIISA
Inkasta oo lagu cilladeeyo
inuusan ahayn siyaasi waayo arag ah, muddo aad u gaabbanna
ka tirsana Aqalka Congress-ka Mareykanka hadana waxaa dadka
ka faallooda siyaasaddu ay isku raacsan yihiin inuu ka mid
yahay siyaasiyiinta xagga codkarnimada, ugu tayada sarreeya,
qaarkoodna waxayba ku sifeeyeen inuu yahay
Siyaasiga waqtigan aan lagu
haysan Aftahanimadiisa.
Senator
Barack Obama
ayaa
hore u ahaa Macallin Jaamacadeed oo dhiga Sharciga, waxaana
uu ka qalin jeniyey Jaamacadda Magaca weyn leh ee
Harvard University uu ka qaatey
maadada Sharciga. Waxaa kale ee uu Jaamacadda
Colombia University uu ka
qaatey maadada Culuunta siyaasadda.
Waa Xaas (Michelle Obama)
waxaana uu leeyahay Laba gabdhood (Malia
Obama iyo Natasha (Sasha) Obama.
   
www.ceegaag.net
webmaster@ceegaag.com |
