|
Tartanka
Ciyaaraha Qaarada Yurub ayaa maanta si Rasmi ah uga
Furmidoona Dalalka Switzerland iyo Austria.
(Basel, June 07,
2008 Ceegaag Online)
Afartii sano
mar ayaa la qabtaa Tartanka Ciyaaraha Qaramada Yurub oo
sanadkan lagu wado inuu ka furmo Dalalka Switzerland iyo
Austria oo sanadkan 2008-da marti gelinaya.
Tartankan ayaa ah markiisii 13-aad ee la qabto waxaana ka
qayb qaadanaya 16-ka Wadan ee ka soo gudba is reeb reebka
loo dhigo Wadamada Qaarada Europe.
Hadaba sanadkan waa uu ka duwan yahay sanadihii hore, waayo
Xulal caan ah iyo ciyaartoy caan ah ayaa ka maqan oo aan cka
qayb qaadaneyn iyadoo ay jiraan xulal ku cusub tartankan,
Xulalka cusub waxaa ku jira Xulka Romania oo ahaa Xulalkii
ugu awooda badnaa, balse wixii ka dambeeyay laacibkoodii
darbada kululaa ee George Hagi la waayay, haatanse waxaa
hogaaminaya Ciyaaryahan Adrian Mutu.
Waxaa sanadkan shaashadaha ka maqan Ciyaaryahano caan ah oo
is lahaa Koobkan waad Ciyaareysaan, kuwaasoo nasiibka u
diiday, waxaa ka mid ah Ciyaaryahanadaas Fabio Cannavaro oo
dhawaan ku dhaawacmey Tababar ay sameenayeen Xulkiisa
Talyaaniga, sidoo kale Ciyaaryahanada Xulka England ayaanan
dhamaantood lagu arki doonin Ciyaaraha Qaarada Yurub ee
Maanta ka furmidoona Dalka Switzerland maadaama ay ku
Guuldareysteen in ay usoo baxaan.
Sidoo kale Xulalka Faransiiska iyo Talyaaniga oo xafiiltan
uu ka dhaxeeyo ayaa mar kale is wajihi doono, waxaana markan
ay yihiin kuwo Isku Group ah, Labadan xul waxaa isugu
dambeysay usoo bixitaanka isla Koobkan oo ay isku Group kuw
ada jireen.
Colaada ka
dhaxaysa Talyaaniga iyo Faransiisku waxay si aad ah usii
cuslaatay kadib markii Ciyaaryahanka ugu Akhlaaqda Xun
Ciyaaryahanada Caalamka oo lagu magacaabo Marco Materazzi oo
u ciyaara Xulka Talyaaniga si anshaxa ka baxsan u
Aflagaadeeyay Zinedine Zidane oo ka mid ah Ciyaaryahanada
ugu Caalibsan ee Caalamka soomara.
Wadamada
Ka qeyb galaya ayaa isku arkidoona sidan:
Group A
Group B
Group C
Group D
Czech
Republic
Austria
France
Greece
Portugal
Croatia
Italy
Russia
Switzerland
Germany
Netherlands
Spain
Turkey
Poland
Romania
Sweden
Tartankan
sanadkan ayaa ah mid si weyn isha loogu wada hayo, waxaana
uu yahay mid si weyn loo sugayo furitaankiisa maanta waxaa
kulanka u horeeya lagu furayaa Xulalka Switzerland iyo Czech
Republic.
Sanadkii u dambeeyay ee la qabto Ciyaaraha Qaarada Yurub
waxa uu ahaa 2004-tii waxaana qaaday Koobka Xulka Qaranka
Greek.
www.ceegaag.com
webmaster@ceegaag.com |
