|
Xagee Marayaa
Wadahadaladii ugu dambeeyay ee u socday Dowladda KMG iyo
Mucaaradkeeda.
(Jabuuti, June 02,
2008 Ceegaag Online)
Iyadoo
Xubnaha Golaha Ammaanka ee Qaramada Midoobey ku sugan yihiin
Dalka Jabuuti, ayaa hadana waxaa socota kulamo gooni gooni
ah oo ku saabsan Shirka Jabuuti.
Wakiilka Qaramada Midoobey ee Soomaaliya Ahmedou Ould
Abdallah ayaa la kulmay dhinacyada Wafuuda Dowladda iyo
mucaaradkeeda,
Wakiilka wuxuu wadaa sidii loo heli lahaa xalka dhabta ah
ama ajandayaasha shirka ka hor inta aan la guda gelin Shirka,
waxaana muuqanayaa mad madow shirka ah oo dhanka Mucaaradka
laga dareemayo.
Ahmed Ould Abdallah ayaa yiri “Ujeeda Kulanka waa sidii loo
heli lahaa xalka dhabta ah ee ay ka jirto dhibaatada
Soomaaliya ka hor inta aan la galin wadahadalada" wakiilka
wuxuu dadaal ugu jiraa in Labada dhinac isa soo hor
fariistaan.
Madaxweynaha Soomaaliya ayaa ka hadley Golaha Ammaanka ee ka
kooban 15-ka dal, waxa uuna si guud uga hadley qorshaha
Siyaasadeed ee Dowladda Federaalka Soomaaliya.
Sidoo kale Mucaaradka Asmara waxay iyagana qabaan fursad ay
mowqifkooda ugu gudbinayaan Golaha Ammaanka, Ma muuqato
illaa iyo iminka wax guul Rasmi ah oo laga gaaray sidii la
iskula meel dhigi lahaa Ajandayaasha kulankasi hadiiba uu
furmo, waxaana dhan walba ka socda kulamo kala duwan oo ay
Beesha Caalamka wadaan.
Isbaheysiga Asmara wali waa ay ku dhagan yihiin shuruudooda
ah in Ciidamada Ethiopia dalka laga saaro, markaasna ay wada
hadalka fariisanayaan.
www.ceegaag.com
webmaster@ceegaag.com |
