Xoogagga Al-Shabaab ayaa la wareegay gacan ku heynta degmada Xudur ee Gobolka Bakool.

(Xudur, June 28,  2008 Ceegaag Online)

Wararka laga helayo degmadaas ayaa sheegaya in xoogagga Al-Shabaab ay gacanta ku dhigeen gaadiid ay lahaayeen guddoomiyaasha gobolka Bakool iyo kan degmada Xudur.

Warar lagu kalsoon yahay ayaa tibaaxaya in dhaawac uu soo gaaray guddoomiyihii degmada Xudur kaas oo lala cararay kadib dhaawaciisa.

Dhinaca kalena xoogaga taabacsan maxkamaha Islaamka ayaa iyagana la wareegay magaalada Baledweye ee xarunta gobolka Hiiraan markii ay halkaas isaga bexeen maamulkii gobolka Hiiraan.

Xoogagga maxkamadaha ayaa gudaha u galay magaalada iyagoo isku fidiyey xarumaha muhiimka ah ee ku yaala magaalada Baledweryne sida xarumihii gobolka iyo kuwa booliska.

Dadweyne careysan ayaa bililiqo u geystay sida la sheegay xarumaha maamulka gobolka, iyadoo aan xog dheer ah laga heynin waxyaabaha ka socda magaalada Baledweyne.

Si kastaba ha ahaatee la wareegista magaalooyinka Xudur iyo Baledweyne oo ka kala tirsan gobolada Bakool iyo Hiiraan ayaaney wali ka hadlin mas'uuliyiinta dowladda KMG ah

Xafiiska Wararka Ceegaag.com Muqdisho, Somalia

Axmed Aadan Ibraahim

axmedmadoobe@hotmail.com

webmaster@ceegaag.com