|
Xulka
dalka Spain ayaa ku guuleystay Horyaalnimada Qaramada
Qaarada Yurub.
(Vienna, June 30,
2008 Ceegaag Online)
Xulka
Qaranka Spain oo lagu tiriyo kuwa ugu awooda badan Aduunka
ayaan wax koob ah ku guuleysan mudo 44 sano ah taasoo ceeb
ku aheyd kubada cagta
Spain
laakiin hada si sharaf leh ayey kusoo afjareen ceebtii koob
la`aanta markii ay xalay qaramada Yurub ee sanadkan ku
guuleysteen ka dib markii ay wada badiyeen dhamaan kulamadii
ay ciyaareen.
Spain oo
kulankii xalay iyo guud ahaan tartankanba aheyd dalkii ugu
ciyaarta wanaagsanaa ayaa la dhihi karaa wey u qalmeen
hanashada horyaalnimada Qaarada Yurub iyagoo gaar ahaan
kulankii caawa soo bandhigay ciyaar miisaaman oo isku xiran
min difaac, dhex iyo weerarba isla markaana aan la tabanin
ciyaaryahanka ku guuleystey tartanka gool dhalinta David
Villa oo dhaawac kaga maqnaa kulankii xalay.
Fernando
Torres ayaa noqdey halyeygii
Spain
markii uu dhaliyey goolka keliya ee ciyaarta daqiiqadii
33-aad ee ciyaarta qeybteeda hore markii uu baas fiican ka
helay Xavi isla markaana intuu si layaableh uga soo hor
maray Lahm uu si maskaxeysan uga dul qaaday goolhaye Lehman.
Torres oo
kulankaan ka hor dhaliyey hal gool oo keliya ayey dad badan
ku eedeynayeen in tartankan uusan noqon sidii laga filaayey
iyadoo nasiibkana ka eexday daqiiqadii 23aad markii uu birta
ku dhuftay teesto uu kaga hor marey ciyaaryahanka difaaca
uga dheela Jarmalka Per Mertesacker laakiin goolkiisa caawa
guusha usoo hoyey dalkiisa Spain ayuu ku noqdey halyeygoodii.
Xulka
Jarmalka oo koob caalami ah ugu dambeysey 1996kii ayaa mar
kale Final lagaga badiyey iyadoo 2002 ay Brazil kaga
adkaatey Finalkii koobka aduunka.
Spain markii
ugu horeysey ee ay tartankan ku guuleystaan waxey aheyd
sanadkii 1964kii iyadoo kana uu u noqonayo koodii labaad
iyadoo markii ay ciyaarta dhamaatey ay dad aad u badan oo
faraxsan isugu soo bexeen wadooyinka magaalooyinka waaweyn
ee Spain sida Madrid, Valencia Catalonia iyo Mallorca si ay
ugu dabaaldegaan guushan weyn ee usoo hoyatey.
       
www.ceegaag.com
webmaster@ceegaag.com |
