Xuska maalinta qaxootiga Aduunka ayaa shalay si weyn loo xusey guud ahaan dalkan South Africa.

(Johannesburg, June 21,  2008 Ceegaag Online)

Xuska maalinta qaxootiga aduunka ayaa shalayto si weyn loo xusey guud ahaan dalkan South Africa, waxaana xusaska lagu qabtay magaalooyinka kala ah Johannesburg, Pretoria, Cape Town iyo Port Elisabeth, xuskan waxaa ka qeyb galay madax ka tirsan  jaliyado soomaaliyeed oo ku dhisan dalkan South Africa.

Dhanka kale Xaflad shalayto lagu qabtay aqalka Baarlamaanka ee Cape Town ayaa waxaa ka qayb galay saraakiil Jaaliyadaha soomaalida ka mid ah,halka xaflad lagu qabtay Gobolka Eastern Cape waxaa ka qayb galay illaa 60 qof oo Sooomaalieed ka socota, iyadoo sidoo kale xaflad ka dhacday magaalada  Pretoria oo tabin toos ay ka heysay idaacada SABC qeybta Africa la hadasha ee Tvga , waxaana ka qeyb galay   Qolyo Matalayey Jaaliyada Soomaaliyeed.

Xuska maalintani ayaa waxaa dadkii hadalada ka jeediyey ka mid ahaa Wasiirka socdaalka iyo arrimaha gudaha ee dalka South Africa, waxay sheegtey in aanan dad qaxooti ah dib dalkoodii loogu celin doonin kadib rabshadihii dhacay, hadalkaasi wuxuu burinayaa hadal dhawaan kasoo yeerey afhaayeen dawlada u hadlay oo sheegey in dawlada ay qorsheeynayso in dib dalalkoodii loogu celiyo, gaar ahaan kuwa aanan sharciyada heeysan.

Si Kastaba ha ahaatee  wasiirada ayaa sheegtey in dadka sharciyadooda ay kaga lumen sharciyadooda ay dawladu ka caawin doonto in la siiyo sharciyo cusub. sido kale hay'aada  UNHCR saraakiil u hadashay ayaa sheegey in aanan dadka qaxootiga dib loogu celin doonin wadamadooda, waxay intaasi ku dareen in qaxootiga la caawin doono.

W/D Hassan YeeY

Johannesburg, South Africa

yeey18@hotmail.com

webmaster@ceegaag.com