Ra'isal Wasaare Nuur Cadde ayaa maanta kulan la yeeshay ururada bulshada rayidka ah ee ku dhaqan magaalada Muqdisho.

(Muqdisho, March 24, 2008 Ceegaag Online) 

Kulankan oo maanta ka dhacay hoyga uu ka degan yahay magaalada Muqdisho Ra'isal Wasaaraha xukuumada Nuur Cadde iyo qaar ka tirsan golihiisa wasiirada iyadoo dhanka ururada bulshada ay ka qeybgaleen xubnihii ka yimid magaalada Enttebe .

Shirka ayaa waxaa looga hadlayay qorshaha dib u heshiisiinta ee uu soo bandhigay Ra'isal wasaare Nuur Cadde kaas oo ay ururada bulshada ay kaalin ka qaadanayaan sidii loo fulin lahaa hindisaha iyadoo laga duulaayo ka qeybgalinta dhinacyada ay ka go’do siyaasada Soomaaliya.

Maalintii shalay ayaa waxaa Ra'isal Wasaarahu kulan kan la mid ah la qaatay Xubno ka tirsan golaha dhaqanka midnimada Beelaha Hawiye, iyadoo shirkaasi uu albaaada u furay hananaanka wadahadalka Xukuumada iyo mucaaradkeeda waxaana markii danbe la isku raacay in koox kasta ay wada tashishi la sameyso dadka dhankeeda ka maqan.

Kulamada ayaa dadka qaar u arkaan inuu noqdo kuwo looga gudbi karo ismari waaga dhexyaala dhincyada isku haya siyaasada dalka. 

www.ceegaag.com


 

webmaster@ceegaag.com