Dareen celin: Maqaalkii maxaad ka taqaanaa Sharaabka Coca Cola iyo Pepsi Cola!!! Iyo Faa'iidooyin uu Yeeshay!!!

(Somalia, March 20, 2008 Ceegaag Online) 

Mahad iyo amaan Allaah ayaa mudan oo iska leh, Rabiga Caalamiinka, naxariis iyo nabad gelyona ha ahaato korkiisa Rasuulka Allaah iyo Ahalkiisa iyo Asxaabtiisa iyo mid kasta oo maray Jidkiisii oo ku hadaysma Hanuunkiisa ilaa iyo Maalinta Qiyaamaha
Intaas ka dib:

Waxa dhacday Maqaalkan aan kor ku xusay oo dhowaan aan ku soo qoray Mareegtan in Rag Akhyaar ah oo dhowr ahi ay ii soo direen E-mail lo ay kaga soo horjeedaan wixii aan ku qoray iyo in aan ahay Nin Carab u adeegaaya arintanuna aanay khusayn Somaalida oo aanay ahayn dhib u taala bal America ay u wanaagsan tahay Dadka soomaaliyeed!!! Oo aad wax u tarto ugana fiican tahay kuwa Carbeed ee aan anigu u adeegaayo!!! Yaa subxaan Allaah, BAL ay colaadiyaan Ummada Somaaliyeed!!! Iyo inuu Sharaabkani Faa'iidooyin badan leeyahay!!! Inkasta oo aan mid koodna ku xusin Faa'iidooyinkaa Qoraalkiisa! Anigu se aanan diidanayn inuu Faa'iidooyin leeyahay! runtii waana ku tilmaamay taas Maqaalkayga in kasta oo aanan sii dhex gelin oo faahfaahin waayo Ujeedadayda Waqtigaas ma ay ahayn inaan ka hadlo dhinaca waxtarkiisa bal waxan arinta ka eegaayay xaga Diinta iyo Siyaasada oo aan xooga saaraayay iyo hadalo badan oo kuwaa la mid ah bay xambaarsanaayeen E-mail ladaasu
 
Si kastaba ha ahaatee waxaan go'aansaday in aan arintaa Maqaal ahaan kaga jawaabo oo aanan kaga jawaabin E-mail ahaan aan Qof walba goonidiisa ugu diro, sababta oo ah xaga Waqtiga iyo in arintan oo kale ay hore iila kulantay Wareera iga soo gaadhay, oo waxay ahayd in aan dhowaan Maqaal kaa ka horeeyay oo aan ku soo qoray isla Mareegtan Cinwaankiisuna ahaa "ma dhabaa inay Soomaalidu ka Caqli wanaagsan tahay Ummada badan?!!!" isna ay iiga soo direen E-mail lo Rag Akhyaar ah oo Odayaal ahi ayna igu tuhmeen inaan Ummada Somaliyeed Dhabar jebinaayo!!! arintanuna ay tahay arin jirta oo ilaa muda dheer la ogaa Dad badan oo Aqoon yahano Soomaaliyeed iyo kuwa Ajenebi ahibana ay sidaas yidhaahdeen, hase yeeshee Akhyaartaas ima ay siin ama iima sheegin wax Daliil Cilmi ah oo aan ku qanco oo iga bedela Fikirkii aan qabay haba yaraatee markii aan anigu isku deyay inaan ku qanciyo Fikirkayga iyo Siyaasada looga gol leeyahay arintana waxaba dhacday in aan qaarkood is Af dhaafno!
 
Waxaan ka xusuustaa oo aanan weli ilaabin Nin Oday ah oo aad u Xamaasadaysnaa markii falanqayntu na dhex martayna oo uu i arkay inaan Ra'yigayga ku sii adkaysanaayo ayuu intuu Hadalkaygii Qayb ka mid ah oo ahaa in arintan laynaku kala fogaynaayo oo cuqdad iyo is cadawsi laynaku kala dhex dhigaayo Dadka Muslimiinta ah ee Walaaleheen ah iyo Walaaleheena Africanka ah iyo Xataa dhexdeena iyada oo ay Diraasad ku sheegaasi ku dartay Dadka laga Caqliga wanaagsan yahay Dad Soomaali ah!!! Waxaana ku jiray oo aan ku soo qaatay Qoraalkayga Aayato Quraanka kariimka ah iyo Xadiithyo cadaynaya inaan Dadku waxba is dheerayn, Hadalkaa intuu soo qaatay ayuu wuxuu yidhi: "Dadku walaalo isuma aha ee waa isu cadow. Waxaas waxaa ku qadhaabta kiniisadaha iyo hay'adaha samalfalka. Waad aragtaa waxa dunida dadqalnimo ka socota. Afkana waxaa laga leeyahay "walaalo".
 
Midda kale, xitaa sarraynta sooomaalidu haddii ay tahay wax la sameeyey waa dhaqan weligii dunida ka jiray oo ka mid ah dagaalka nafsiga ah ee la isku hayo. U fiirso: dhawr sannnadood ka hor dalka Maraykanka laba caalim oo yuhuud ah baa waxay shaaciyeen cilmibaadhis ay sameeyeen in ay ku heleen afrikaanku in ay yihiin dadka bani aadamka ugu caqli xun. Labadaas Nin gaalo oo dhan iyo cid waliba waa ay u hambalyeysay. Carruurta afrikaankana taasi waxay ku ridaysaa cuqdad iyo liidnimo. Sow ma aha?
 
Haddaba dagaal baa lagu jiraaye dadkaaga ha dhabarjebin ee dagaalka dhinac ka gal. Waxba ku tari mayso in aad u hadasho sida aan daacadda ahayn ee ay kiniisadaha iyo hay'adaha caalamiga lagu sheegaa dadka ku hoosaasiyaan."!!!!

Allaahu mustacaan, bal eega Walaalayaal hadalkaa Ninkaa Odayga ahi ii soo qoray isagu waxa uu ka xun yahay oo diidan yahay xaqiraada ay Yuhuudu Dadka madow ku samaysay laakiin hadii hada isagii Dadkii madoobaa laga saaray oo la yidhi adigu waad ka Caqli wanaagsan tahay raali buu sidaas ku yahay, wax dhib ahna uma arko inay ku sii jiraan Caruurta African ku iyo Ummadaha kale ee lagu xusay Diraasad ku sheegaas in ay ku sii jiraan Cuqdada iyo Liidnimo!!!Oo uu weliba isagu noqdo kan liidaaya oo xaqiraaya!!! bal waa yahay ee markaa maxay ku kala duwan yihiin isaga iyo labadaa Nin ee uu inoo sheegay ee Mujrimiinta ah! Miyaanu Mujrim sidooda ah ahayn?!!!!
 
Tan kale anigu waxan ka hadlaayay Walaaltinimo Islaam waxana Daliilsanaayay Aayato Quraan ah iyo Xadiithyo ee maxaa keenay meesha Sheekada Kiniisadaha Gaalada iyo Haya'adaha Samadiidka ah ee Gaalada ah ee Gumaysta Maanta Dhulkeenii miyaanu taas ku qarinayn in uu si toos ah u yidhaahdo Islaamnimo iyo waxaas waxa ku qadhaabta Carabta!! ee waad aragtaa waxa Dunida ka socda Dadqalnimo?!!! miyaanu ku qarinayn nacayb Lafaha kaga jira oo uu u qabo Islaamka wacayaadu billaahi ee?!!! Ninkaa Hadalkaa sidaas baan ugu sheegay Allaah casaa wajalaana waxaan uga baryay inuu soo hadeeyo mase odhan anigu Gaal baad tahay mana odhan karo Manhajka aan ku socdaana sidaas maaha kamana aan xigsan Diinta ee khaladkiisa baan u sheegay, dabadeedna wuu xanaaqay wuxuuna iigu soo jawaabay Hadalkan: "Waxaa caddaatay in aad ka mid tahay kooxda cusub ee qof walba marka ay fikrad isku khilaafaan diinta ka saara ee ka xigsada! Bes bes, saaxiib!" Jawaab ugama celin Hadalkaa dambe waayo waxan ku qancay inaan marnaba is fahmayn Ninkaas Odayga ah, waana tan keentay inaan uga jawaabo tan dambe si guud ahaaneed
 
Hadaba aniga oo ku dheeraaday Hordhacii Qoraalkayga aan u soo jeesto Qoraalka  waxana ka dhigi doonaa Inshaa Allaah laba Qaybood oo aan tan hore kaga hadli doono bal Faa'iidooyinka uu Sharaabkaasu leeyahay!!!! in kasta oo Qoraalkaygii hore aan ku yara tilmaamay bal hadana halkan baan ku faahfaahin doonaa Inshaa Allaah,Akhyaartaas laftoodu way ka hadleen inuu leeyahay Faa'iidooyin aanay ii soo cadayn waxan se filayaa arintoodu in ay la xidhiidhay Arima Dhaqaale oo ay uun u daafacayeen inay ka helaan Xoolo!!! waa sida aan Qoraaladooda ka dareemay ee, Tan dambena waxan ku soo qaadanayaa bal inaan xooga ka tilmaamo Cilaaqaadka u dhexeeya Muslimiinta maadaama aniga laygu tuhmay inaan dhinac u xaglinaayo sidan baana ku bilaabayaa Qoraalkayga:
 
      Faa'iidooyinka u leeyahay Sharaabka Coca Cola iyo Pepsi Cola iwm!!!
 
1- Musqusha iyo Kusheenka oo lagu nadiifiyo, ku shub Quraarad ama Qasacad Coca Cola ah ama Pepsi Cola ah hareeraha Marxaadka lagu fadhiisto gudihiisa iyo halka lagu Fooldhaqado iyo halka Weelka lagu maydho Muda Saacad ahna u daa dabadeedna Biyo raacsii waxaad arkaysaa inuu milay oo dhaqaajiyay wixii ah Scale ka ama Uskaga Solid ka ah iyo wixii Daxal ahaa ee ku dhegay ee aanay gown karayn detergents ka caadiga ah ama wax yaabaha wax lagu nadiifiyo ee caadiga ahi, wuxuu kaloo milaayaa oo dhaqaajinayaa oo furayaa haday awdnaayeen beebabka(Pipes) Bulaacada geeya Biyaha la isticmaalay iyo tan Godkaba waxaas waxaa milaaya oo dhaqajinayaa waa nisbada badan ee Maadada Citric Acid da ku jirta Cola ha, meeshii Scale ka, Daxalka iyo madowgu ku dhegeen way dhalaalin Dhulkii awdnaan way furi waxaas oo dhan waxa kuu qabanaaya Quraarad ama Qasacad Cola ah halkii aad ka doonan lahayd Chemicals qaali ah Naftaadana khatar gelin kara sida Sulphuric Acid, Hydrochloric Acid, Caustic Soda iwm
 
2- Gaadhiga meelihiisa Birta iyo Aluminium ka ku nadiifi Waraaqo Tin ka samaysan oo aad dhex gelisay Cola oo qoyan way dhalaalinaysaa waxayna ka ilaalin Daxalka iwm
 
3- Fiilooyinka(Cables) ka Baateriga Gaadhiga ayaad kaga suulinaysaa Daxalka, ku shub Quraarad ama Qasacad Fiilooyinka ka Baateriga dabadeedna u daa in Muda ah ilaa ay misho Daxalka dabadeedna ka masax
 
4- Boolasha Daxalaystay ee furmi waaya oo lagu debciyo, ku duub kharqad aad ku qowsay Cola oo u daa in muda ah ilaa ay misho Daxalka dabadeedna si yara baad u furi doontaa,waxan oo dhan Qasacad ama laba Cola baa kuu qaban halkii aad ka soo iibsan lahayd wax yaabaha Daxalka Gooya( Rust Proof) ee qaaliga ah
 
5- Xaydha iyo Dufanka iwm ee Dharka ama Gogosha ku yaala buu suuliyaa, markaad maydhayso Dharka noocaas ah isugu dar Cola iyo Saabuun oo ku maydh waxay kaa gargaaraysa Cola in ay suuliso Baraha Dufanka ama Xaydha ah ee ku yaala Dharka ee aanay gown karayn Saabuuntu kelideed.
Cola waxaad kaloo ku nadiifin kartaa oo uu dhalaalinayaa Muraayadah Gaadhiga iyo Daaqadaha Guriga
 
Waxaynu cabaynaa inagu Maadada waxaas oo dhan samaynaysa!!!!! dabcan si ay u nadiifiso Nadaamyada Jidhkeena!!!!! waayo waa inaynu Waxtar iyo Faa'iido ka helaa waxaan Qiimihiisa bixinayno. miyaanay sidaas ahayn?!!!!!
 
Waxaa Garasho mudan inaad ogaato in Qiyaasta Acid Hydrogenic ga ah ee ku jirta Sharaabka Gaasta ah sida Coca Cola iyo Pepsi Cola ay tahay 3 ilaa 4 macnuhu waxa weeye waa Acidic aad ah, Derejadan Acidic ah waa mid xoog leh taas oo suura gelin karta inay misho Ilkaha iyo Lafaha! Jidka Dadkuna wuxuu joojiyaa inuu dib u dhiso Lafaha marka Da'da Qofku gaadho 30 Sano, Da'daa ka dib iyo qadaryaalkan Acid da ah ee aan ku qaadanayno Cuntadeena iyo Cabitaankeena waxay keenaysaa in Lafaheenu milmaan si talaaba talaaba ah oo ay ka baxaan Jidhka iyagoo soo raacaya Kaadida iyada oo aanu Jidhku helayn wax u bedela wixii ka milmay, dhamaan wixii Calcium ahaa ee milmay waxay ku biirayaan Xidida Dhiiga qaada iyo Cells ka iyo Xubnaha Jidhka taas oo saamayn wayn ku yeelanaysaa Shaqada Kelyaha waxayna keenaysaa in ay noqdaan Dhagxan Kelyaha fadhiista 
 
Sharaabka Gaasta ahi kugu soo kordhin maayo oo malaha wax Faa'iida ah oo quudin ah xaga Vitamines ka iyo Minerals ka.waxa iyana ku jira nisbad aad u saraysa oo Sonkor, Maadooyin Acidic ah iyo wax badan oo ah Maadooyin Sanaaci ah oo lagu daray sida Maadooyinka ilaaliya iyo kuwa Midabka
 
Dadka qaarkii waxay cabaan Biyaha Gaasta ah oo qabow ka dib mar kasta oo ay wax cunaan, bal ma malayn kartaa waxay taasu keenayso?!!!!! waxa weeye Derejada kulka ah ee ku haboon oo u suura gelinaysa in uu ku kaco Jidhkeenu Shaqooyinkiisa daruuriga ah sida raqdista Cuntada waa 37 derejo oo Centigrade ah, Derejada Kulka Biyaha Gaasta ahina waa wax aad in badan uga yar Derejadaas mararka qaar waxay noqotaa wax ku dhow 0 derejo waxay markaas qaboojinaysaa Xubnaha Cuntada raqda, qabowgan xoog lihi wuxuu yaraynayaa awooda Khamiiradaha wax raqdaaya wuxuuna daalinayaa Mashiinka Raqda Cuntada dabadeedna wuxuu keenayaa in aanu si fiican u raqdin Cuntada, taas oo iyana keenaysa in Cuntadu ku khamiirto Caloosha. Cuntadii ku khamiirtay Calooshana waxaa ka dhalanaaya Ur xun oo la necbaysto iyo Gaas iyo Qudhun iyo Sumaha Cuntada. Sumahaas waxaa nuugaaya Xiidmaha, waxayna raacayaan Dhiiga oo ku fidinaaya dhamaan Qaybaha Jidhka.hadaba fidista sumahaas waxay keenaysaa oo ka dhalanaaya Buurida Xun iyo Xanuuna kale
 
                                    Qaar Tusaalayaal ah
 
1- Mudo hore oo aan fogayn waxaa lagu qabtay Dalka India Tartan ka dhacay Jaamacada Delhi oo ah Cida cabi karta Kimiyada ugu badan ee Cola ah, Ninkii ku guulaystay Tartankaas wuxuu cabay 8 Qasacadood oo Cola ah, laakiin isla goobtii buu ku dhintay, taasna waxaa sabab u ah in ay isku biirsatay Kimiyada wayn oo Carbondioxide ahi Dhiigiisa iyo dhinaansho wayn oo ah Oxygen ta. Dhacdadaa ka dib wuxuu ku kacay Madaxii Jaamacadu in uu ka mamnooco Sharaabka Gaasta ah Canteen kii Jaamacada
 
2- Qof ayaa wuxuu ku riday Ilig ka dhacay Quraarad Pepsi ah, maxaa dhacay markaas bal malay?!!! wuxuu ku milmay Iligii oo ku baaba'ay Sharaabkii Mudo 10 Casho gudohood ah!!!! iyada oo ay yihiin Ilkaha iyo Lafuhu Xubnaha keli ah ee soo hadha marka uu dhamaado Jidhka intiisa kale Sanada badan ka dib marka u dhinto Qofku
 
Bal malay!!!!!!!! waxa ay ku samaynayso Sharaabkan Gaasta ahi Xiidmahiina jiljilicsan iyo Caloosheena hoosteeda! waxan filayaa in intaas iyo wixii ka horeeyayba ugu filan yihiin Waano iyo Wacyi gelin Cidii Allaah tacaalaa Hanuun la doono
 
                           Cilaaqaadka ka dhexeeya Muslimiinta
 
Waxaa ah wax laga xumaado oo ah Tiiraan, Ciil, Cadho iyo Dulinimoba Xaalada ay Maanta ku sugan tahay Ummada "Laa Ilaaha ilaa Allaah", Ummada Maxamed sala Allahu calayhi wasalam, Ummada Islaamka. Xaaladaas oo ah mid aan raali gelinayn Rabiga Caalamiinka oo aan raali gelinayn iyaga laftooda oo aan hadana raali gelinayn Cadawgooda bal aan raali gelinayn Shaydaanka iska daa Cid kale oo, taasna wax kale ma keenin ee waxa keenay ka jeedshada aynu ka jeedsanay Diinteena, Allaahna casaa wajalaa waa inoogu balan qaaday hadaynu ka tagno Diinteena in uu inagu salidaayo Dulinimo aanu inaga kor qaadayn ilaa aan ku noqono Diinteena Xadiithka arintan ka hadlaayay waxaynu ku soo aragnay Qoraal hore oo Turjumaad ahaa oo Cinwaankiisu ahaa"Su'aal wayn oo aad u muhiim ah"
 
  Lagana helaayo ilaa hada Mareegaha inshaa Allaah xaga hoose baan idiinku soo qorayaa meesha laga helaayo waayo ma aan rabo in aan hada Qoraalkan ku soo qaato maadaam aynu dhowaan ka dhegaysanay Caalim jaliil ah welina la helaayo, ee waxan jecelahay in aan Munaasibadan ku soo qaato anoo aan sii dheerayn Qoraalkan hadal uu yidhi Saxaabi jaliil ahi waa Cumar Alfaaruuq Amiirkii Muslimiinta Cumar Binu ALKhadaab radiya Allaahu canhu waana:

(Anagu waxaanu nahay Qoom Allaah tacaalaa ku quweeyay oo ku karaamayay kuna sharfay Islaamka, markaa hadii aanu ka doono Quwada iyo Karaamada iyo Sharafta Qayrkiis Allaah casaa wajalaa wuu na Dulaynayaa)
 
Markaad Diintaada ka tago Dulinimada Allaah kugu salidayaa waxay kaaga imanaysaa dhinacya badan ee maaha in ay Cadawgaaga oo keli ah kaaga imanayso, tusaale waxay kaaga imanaysaa gudahaaga oo idinkii baa is colaysanaya oo Cadaw isu noqonaaya Cadawgaagiina wuxuu idiin noqonayaa dhexdhexaadiye idiin kala dab qaada oo aad u kala dheeraysaan raali gelintiisa, waana taas ta ay ka cabanayaan Akhyaartan aan hada Hadalkooda hayno, markaa waxaan jecelahay in aan dareensiiyo Odayaasha ma ah adiga oo keli ah kan cabanayaa ee Muslimiin oo dhame sidaas bay u kala cabanayaan, kuwaas aad ka cabanaysid iyaguna dhexdooda way kala cabanayaan adigana way kaa cabanayaan
 
 Bal taas soo ba dhaaf oo miyaynaan inaku hadaynu Somali nahay aynaan ahayn tusaalaha ugu haboon arintani inaga oo isku Isir,Af, Dhaqan,Diin,Madhab iyo isku midaba ah oo hadana isku dhex daadsan oo is wada dhalay bal ma ii sheegi kartaan waxa isku keen diray oo aynu isu xalaalaysanay Dhiigeena iyo Cirdigeenii iyo Xooleheeniiba oo isu cadaawadaysanay oo dabadeedna ina gaadhsiiyay Dulinimo heerkii ugu sareeyay oo aanay jirin Caalamka Cid heerkaa Dulinimo ka gaadhay?!!!! shaki kuma jiro inay tahay sababtu Diinteenii oo aan ka tagnay Aduunkana aan si iimaan la'aan ah u daba cararay sidii kuwo weligood ku noolaanaaya!!! wanaag iyo inaan dhibtaa ka baxnaana waa mid aan dhacayn ilaa aynu ku noqono Diinteena
 
Hadaba Walaalayaal arintu ma ah waxa inaga inagu kooban ee waa mid la wada qabaa dhamaan Wadamad Islaamka oo dhan sidaas baa loo kala wada cabanayaa sababtuna waa taas aan soo sheegnay, laakiin waxad helaysaa Wadan kasta oo aad tagtid in inta yar ee Allaah tacaalaa Hanuunka ku Manaystay inay ka duwan yihiin Dadka intiisa kale agtoodna aad ka dareemayso Walaaltinimo xaqiiqo ah
 
  Markaa waxa inala gudboon sidii aan arintan ku bedeli lahayn waana inaga oo ku noqono Diinteena oo u fahamna sida saxa ah ee ay ku soo degtay, laakiin hadaynu is nidhaahno ku noqda Diintiinii laakiin se aan u maro Dariiq aan sax ahayn iyo Manhaj aan ahayn kii Nebi Maxamed sala Allaahu calayhi wasalam ogow oo waxba ma aynu soo kordhin dhib ma aynu kaga baxayno. ugu dambayntii waxaan idin leeyahay Muslim oo dhami waa wada Walaalo Wadan kasta oo Muslim ahina waa Wadankaagii Ayaheenuna waa mid si kasta Maanta arimuhu ha u muuqdeen ee.
Allaah tacaalaa waxaan u waydiinayaa aniga iyo idinkaba in uu na cafiyo inana siiyo Caafimaad labada Daaroodba ah
 
Wabillaahi atowfiiq

"Su'aal wayn oo aad u muhiim ah" halkan ka aqriso:
 
Ceegaag: http://www.ceegaag.com/Qoraalada/2008/Feb%202008/su_aal_wayn_oo_aad_u_muhiim_ah.htm
 
ama
 
Doorasho: http://doorasho.bravehost.com/Su'aal%20wayn.htm

Essa Mohamoud

almutawaadic@hotmail.com

webmaster@ceegaag.com