Diyaarad Nooca wax Basaasa ah oo kusoo dhacdey Magaalada Marka ee Gobolka Sh/Hoose.

(Marka, March 28, 2008 Ceegaag Online) 

Wararka  naga soo gaaraya  Magaalada Marka ee xarunta Gobolka Shabeelaha Hoose ayaa sheegaya inay Diyaarad nooca wax basaasa ah kusoo dhacday  Deegaanka cagaaran oo 3-KM, dhanka galbeed kaga beegan magaalada Marka.

Diyaaradaani ayaa waxaa dadka deegaankaasi ku dhaqan ku warameen in ay ku rakiban yihiin kaamirooyin iyo waxyaabo kale isla markaana ku soo dhacday mudo saacad ka hor deegaankaasi iyada oo aan la ogeyn sababta ka dambeysay in ay soo dhacdo.

Dadka ku dhaqan goobta ay diyaaradu ku soo dhacday ayaa mar kaliga ku wada orday diyaaradii waxaana la sheegay, Mudo kadib ayaa waxaa goobta soo gaaray ciidamo aad u farabadan oo ka socda Maamulka gobolka isla markaana haatan baaritaano ku wada sababaha keenay in diyaaradu soo dhacdo.

Lama oga in diyaaradani u soo dhacday cilad la soo daristay iyo in kale laakiin waxaa la rumeyan yahay in diyaaradu u soo dhacday cilad iyada soo wajahday Wasiirka Arrimaha Gudaha ee Dowladda Federaalka oo la xiriiray ma’uuliyiinka Magaalada Marka ayaa u sheegay in aanan loo dhawaan inta la helayo wadanka sheegta Diyaaradan Nooca wax Basaasa ah ee kusoo dhacdey Marka.

Diyaaradaani Maanta ku soo dhacday deegaanka cagaaran ayaa waxaa ay ka mid aheyd diyaaradaha Maraykanka ee inta badan dul heehaaba hawada dalka soomaaliya gaar ahaan Gobolada Koonfur Somalia kuwaasi oo inta badan la socda dhaq dhaqaaqa dalka Soomaaliya.

www.ceegaag.com

webmaster@ceegaag.com