|
Dowladda
Ethiopia ayaa soo dhaweysay go'aanadii ka soo baxay Shirkii
Dalalka Islaamku dhawaan ku yeesheen Magaalada Dakar.
(Addis Ababa,
March 18,
2008 Ceegaag Online)
Sargaal sare
oo u hadlay xukuumadda
Ethiopia
ayaa soo dhaweeyay war murtiyeeedkii laga soo saaray shirkii
ururka islaamka islamarkaana ay ku farax san yihiin
qodobadii laga soo saaray shirka.
Wuxuuu
sheegay in madaxda Islaamka ay ku baaqeen in a taageero
Dowladda Federaalka iyo ciidamada AMISOM ee howlaha nabad
ilaalinta ah u jooga dalka Soomaaliya, si dib loogu hanto
kala dambeyntii dalka Soomaaliya.
Madaxda
Dalalka Islaamka ee ka qeyb galay kulankii ka dhacay dalka
Senegal ayaa Dowladda
Ethiopia ku eedeeyey in ay
qeyb ka tahay dhibatooyinka ka jira dalka Soomaaliya, iyagoo
sheegay in loo baahan yahay in xal nabadeed lagu raadiyo
dhibka ka jira dalka Soomaaliya oo ay sheegeen in aanu lagu
xalin karin qaab milatari.
Ethiopia
waxa ay hadda si weyn uga muuqataa dalka Soomaaliya, waxaana
gudaha dalka Soomaaliya ka jooga kumanaan ciidamadeeda ah,
waxaana Dowladda
Ethiopia
ay mar walba beesha caalamka ugu baaqdaa in ay ciidamo nabad
ilaalineed oo ka kala socda Qaramada Midoobey iyo midowga
Africa yimaadaan dalka Soomaaliya si ay ciidameeda ugala
baxdo Gudaha dalka Soomaaliya.
Xafiiska Wararka
Ceegaag.com Muqdisho, Somalia
Axmed Aadan Ibraahim
axmedmadoobe@hotmail.com
webmaster@ceegaag.com |
