|
Dowladda
Federaalka iyo Mucaaradkeeda oo Barito Shir uga Furmayo
magaalada Nairobi ee xarunta dalka Kenya.
(Nairobi, March
28,
2008 Ceegaag Online)
Caasimada
Dalka kenya ee Nairobi ayaa la filayaa in uu ka furmo Shir
balaaran oo dib uheshiisineed oo ay is kugu imaanayaan
Wafuud kala gadisan oo kala matalaya Dawlada Federaalka
Somaalia iyo Mucaaradka fadhigoodu yahay Dalka Eritrea
Shirkaan ayaa la filayaa sida warar soo baxaya ay shegayaan
in uu maalin nimada baritaa ka furmo Magaalada Nairobi ee
dalka Kenya, Kulankaan ayaa ah mid dib uheshiisineed oo
labada dhinac ee Dawlada Federaalka iyo Mucaaradkeeda lagu
dhex dhexaadinaayo.
Waxaa maanta Airboorka Jomma Kenyatta International Airport
kasoo dagay Wafdi balaaran oo Mucaaradka Dawlada Somaaliya
ah ayna hogaaminayaan Shariif Xasan Shiikh aadan
Gudoomiyahii hore ee Barlamaanka Somalia iyo Wasiirkii Hore
Arimaha Dibada Maxkamadihii Islaamka ee laga itaalka
Ronaaday Pro Ibraahim Ahmed Cadow iyadoo Sheekh Shariif
Shiikh Axmed loo diiday inuu kasoo qeyb galo taasoo ay
dowlada Mareykanka ku gacan seyrtay inuu yimaado dalka
Kenya.
Wafdigaan Mucaaradka katirsan ayaa la dajiyey Hotelka Safari
Park oo ku yaal Duleedka Caasimada Nairobi ee Dalka Kenya
sidoo kale maalin nimada Baritaa ayaa la filayaa in ay
Nairobi Soo garaan Wafdi Balaaran oo ka imaanaya dalka
Eritrea.
Dhinaca Dawlada Federaalka Somalia ayaa haatan waxaa Nairobi
ugu sugan Wafdi balaaran oo uu hogaaminaayo Ra'iisal
wasaaraha Somaalia Nuur Xasan Xuseen Nuur Cade, Mas'uuliyiin
kale oo ka tirsan Xukuumadiisa iyo Xildhibaano
Shirkan labada dhinac lagu dhex dhexaadinaayo ee lafilaayo
in uu maalinnimada barito ka furmo magaalada Nairobi ayaa
waxaa wada qorshihiisa Qaramada Midoobay oo ay horboodayaan
Midowga Yurub.
Xubno uhadlay Mucaardka Dawlada Somaliya ee kusugan Nairobi
ayaa sheegay in ay Nairobi ku yimaadeen Casuumaad ay ka
heleen Qaramada Midoobay iyo Midowga Yurub.
Waxaa la sugayaa in magaaladaasi uu goor dhow soo gaaro
wakiilka xoghayaha guud ee Qaramada Midoobay ee Arrimaha
Soomaaliya Axmedou Ould Abdallah.
Halkan
Hoose Ka Aqriso Maqaal Bishan 24-keeda kusoo Baxay
Shabakadda ceegaag.com
oo aan kaga hadleynay Kulankan bari qabsoomidoona.
http://www.ceegaag.com/Qoraalada/2008/March%202008/sheekh_shariif_iyo_shariif_xasan.htm
webmaster@ceegaag.com |
