|
Muwaadiniin
Soomaali ah oo kor u dhaafaya 300 oo ku xidhan Xabsiyada
Wadanka Libya
(Tripoli, March
27,
2008 Ceegaag Online)
In ka
badan 300 qof oo Soomaali ah ayaa ku xidhan xabsi lagu
magacaabo Saawiya oo ku yaala caasimadda wadanka Liibiya ee
Tiriboli....
Dadkaas oo iskugu jira dad mudo hore galay iyo kuwo dhawaan
gaaray wadanka Liibiya, ayaa waxaa laga qab qabtay meelo
kala duwan oo wadankaas ka tirsan, waxaana la isugu geeyay
xabsi ku yaala caasimadda Liibiya ee Tripoli.
Dadkan Soomaalida ah
ayaa Markoodii hore ahaa Tahriibayaal iyagoo muddo dheer ku
soo jirey safar lug ah oo u dhexeeya dalalka Soomaaliya,
Ethiopia iyo Sudan ayaa intabadan kala kulma dhibaatooyin
farabadan, waxaana iyagoo u socda raxanraxan aad ku arkeysaa
Dhulka Saxaraha ah ee u dhexeeya wadamada Sudan iyo Libya.
Soomaalidan ayaa waxaa
qabqabtay Ciidanka Booliska ee dalka Libya iyagoo fashiliyey
qorshe loogu tahriibinayey Dalka Talyaaniga iyagoo sii
maraya badda Mediterranean-ka, halkaas oo waayahaan danbe ay
utahriibayeen dad badan oo Soomaali ah si ay uga sii galaan
Dalalka Yurub,
Dowlada Liibiya ayaa sanad walba dhowr jeer cafis u samaysa
dadka Soomaaliyeed ee xabsiyadeeda ku jira iyadoo dowlada
Libya ay dhowr jeer ka codsatay Danjiraha Soomaaliya u
fadhiya Dalka Libya in uu la wareego dadka Soomaalida ah ee
ku jira Jeelasha safiirkuna uu ka dhago adeegay la
wareegida dadkaas.
Hogaamiyaha Libya Mucamar Qadaafi ayaa dhawaan ogolaaday in
Afrikaan-ka Fiiso la,aan ay ku soo gali karaan dalkiisa
isagoo khudbad kooban kaga hadlayay afrikaanimada iyo
wanaago ay leeyihiin iyo taageeradii ay siiyaan xiligii
cunaqabataytu saarnaad dalkiisa Libya.
www.ceegaag.com
webmaster@ceegaag.com |
