Sheekh Aadan Madoobe oo digniin u jeediyay Xubnaha Baarlamaanka ee ka maqan Magaalada Baydhabo

(Baydhabo, March 22, 2008 Ceegaag Online) 

Afhayeenka Baarlamaanka Federaalka Soomaaliya Sheekh Aadan Maxamed Nuur (Sh.Aadan Madoobe) ayaa uga digay Xubnaha Baarlamaanka ee ka maqan Magaalada Baydhabo inuu ka qaadi doono tallaabooyin adag oo xitaa ay dhici karto waa sida uu hadalka u dhigay inay waayi doonaan xilalkooda haddii aysan ka soo xaadarin fadhiyada Baarlamaanka.

Hadalka Sheekh Aadan Madoobe ayaa waxaa uu ka dambeeyay kadib markii Baarlamaanka ku fashilmay inuu yeesho fadhiyo sababo tiradii loo baahnaa oo fadhiyada ku qabsoomi lahaayeen oo la waayay, maanta ayaa ugu dambeysay fadhi Baarlamaanka lahaa ayaa qabsoomi waayay.

Wararka ayaa sheegaya in tirada Xildhibaannada jooga Baydhabo inay tahay ilaa iyo 130 Xildhibaan, sidaas darteed Xildhibaano fara badan ayaa ka maqan Magaalada Baydhabo.

Wuxuu ugu baaqay Sheekh Aadan Madoobe Xildhibaannada ka maqan magaalada Baydhabo inay sida ugu dhaqsiyaha badan ku yimaadan magaalada hadii kale uu tallaabo ka qaadi doono.

 Warar hoose ayaa sheegaya in sababta Xildhibaannada uga maqan yihiin Magaalada Baydhabo ayaa lagu sheegay inay tahay iyagoo haysanin dhaqaale Magaaladaas ku joogan maadama muddooyinkan dambe helin lacagihii gunada ahaa ee la siin jiray.

www.ceegaag.com

webmaster@ceegaag.com