Shir uu qabtay Mashruuca u dir Lacag Wadankii oo lagu qabtay aqalka looga taliyo dalka Ingiriiska oo Soomaali lagu casumay.

(London, March 20, 2008 Ceegaag Online) 

Shirkaan oo lagu qabtay halka  looga taliyo dalka Ingiriiska ee House of commons ayaa waxaa lagu casumay dadka aqoonta leh ee Soomaalida,sida  suxufiyinta, wakiilada xawaaladaha,madax ururada ka howl gala dalka Ingiriika iyo qabo ka mid ah ardayda Jaamacadaha.

Furintaankii shirka ayaa waxaa furay oo ka hadlay Emmanuel Addy oo ah agaasimaha dhinaca gacnacsiga ee mashruuca U dir lacag wadankii isagoo aad uga war bixiyey mashruucooda iyo sida ay u damacsan yihiin inay Soomaaliya wax uga qabtaan.

Addy ayaa sheegay in hawlgalkoodu keliya uusan ku koobnayn Soomaaliya oo keliya balse ay ka hawl galaan Dalka Pakistan  haddana qorsha ay ugu jirto guud ahaan dalalka Bariga Africa oo dhan,waxaana ku soo dhiweyey marti sharaftii horay loogu qorsheeyey inay halkaas ka hadlaan.

Dhinaca dawlada Ingiriiska ayaa waxaa ka socday Mudane ka tirsan xisibiga talada haya ee shaqaalaha oo la yiraahdo Alun Michael, iyo haweenay dhinaca dhaqaalaha kala talisa Hay’ada horumarinta iyo Arimaha caalamiga ah ee dalka Ingiriiska una qaabilsan Bariga iyo bartamaha Africa oo la yiraahdo Hilary Sunman.

Alun Michael ayaa sheegay inay Soomaaliya guud ahaan booqdeen waqooyi,koonfur iyo bari intaba waxaana hoosta ka xariiqay sida ay ugu farxeen sida dadka Soomaalida isu caawiyaan isugana xiran yihiin isagoo sheegay in guud ahaan lacagtaasi ay ka timaado dhanka qurba joogta oo wadankooda hooyo dib u dhisaan iyo weliba inay inay wax ka badashay nolosha dadka dhibaataysan.

Dhinaca kale waxaa uu Soomaalida meesha isugu timid niyada ugu qaboojiyey in badan oo ka mid ah dadka Wales-ka oo uu isagu ka soo jeedo,Irish, iyo Scottish ay sanado badan soo kala qaybsanaayeen haddana arintaas ay ka walaaloobeen kana heshiiyeen.

Hilary Sunman ayaa iyana dhankeeda aad ugu dheeraatay dhaqaalaha Hay’adeedu geliso dalka Soomaaliya oo sheegtay inuu gaaryo ilaa 22 Million oo geniga Ingiriiska lagana yaabo  inay gaarsiiyaan 30 Million,waxaana sidaas oo kale ay bogaadisay qaybta ay qaataan qurba joogtu dib u dhisaka dalkoodii hooyo iyadoo si gaar ah u soo gaadatay lacaha xoogga leh ay u marsiiyaan xawaaladuhu ay sheegtay in sanadkii gaarto hal bilyan oo doolar iyo weliba ka badan.

Ugu danbeyntii ayaa waxaa ka hadlay Max’ed Maygaag oo ah agaasimaha urur Soomaali ah oo ku yaala Haringey Bariga  ee …..kana war bixiyey Xaawaladaha Soomaalida iyo wax qabadkooda waxaana sheegay sida Soomaalidu dadaasho igoo si gaar ah u ammaanay qabta libaaxa leh ee gabdha Soomaaliyeed ka qaataan dirista lacagta,waxaana uu sheegay in mar marka ka danbaysa uu soo yaranaayo dulqaadkii dadka oo culays weyn tahay dirista lacagta oo iyagoo taas dal uga dhigay shaqooyinka adag ee Soomaalida qabta iyo weliba baahidii oo ah mid joogta ah oo marna dhamanayn.

Mar uu Maygaag arinta sharraxaad ka bixinayey ayuu sheegay in mararka qaarkood arinta soo wicidu ay sababto in qofkii baqdin awgeed uu ka jawaabi kari waayo talefoonkiisa iyadoo qof walbaa uu is jir diid siinay culayska ku soo fool leh.

Shirkaan oo ahaa mid si wanaagsan loo soo agaasimay ayaa ku dhamaaday jawi aad u degan waxaana qof walba waqti loo siiyey inuu kulan gaar ah la yeesho qofkii markaas uu is leeyahay dan ayaa kaaga xiran,waxaana dhinacyadii ka soo qayb galay ka bexeen iyaga oo ku faraxsan sida wax u dhaceen.

Daawo Sawirada

Xigasho: Boocame

webmaster@ceegaag.com