|
Super market kii
ugu Casrisanaa oo caalami ah oo laga furay qaybta hoose ee
Hotel City Center ee Magaalada Hargaysa.
(Hargeysa, March
20,
2008 Ceegaag Online)
 
Waxaa
horaantii usbuucaan laga furay ama xariga laga jaray
supermarket caalami ah oo ay ka soo qeyb galeen
furitaankiisa Ganacsato, Culu'maaudiin, Aqoonyahano iyo
dadweyne aad u fara badan.
Munaasibadan oo lagu qabtay Xarunta City Center Super
Market oo ah super market cusub oo laga furay farasmagaalada
Hargeysa ayaa lagu qabtay isla xarunta Super market kaas oo
ah Qeybta Hoose ee Hotelkaasi.
Munaasibada furitaanka ayaa waxaa ugu horayn ka hadlay
Saalax Aw Muuse oo ah maareeyaha Super market Cusub .
Maareeyhu wuxuu sheegay in super market ka mid yahay
mashaariicda waaweyn ee ay wadanka ka wado Shirkadda weyn ee
Kaah Business Group oo ay ku bahoobeen ganacsato badan oo
dalka gudihiisa iyo dibeddiisaba ku sugan.
Waxaa
kale, oo hadalkiisa ku daray in ay isla furan tahay qayb
kale oo ah Show Room oo aad ka heli karto dhammaan agabka
Furniture ka iyo qalabka guryaha oo ku yaala dacalka bari ee
magaalada Hargeysa.
Waxa kale,
oo isna halkaa ka hadlay C/raxmaan Cismaan oo ka mid ah
Mulkiilayaasha Super Market-ka, waxaana uu ka waramay
muddadii dheerayd ee lagu gudojiray sidii loo furilaaha
super market kan waxanaa uu dhiirigelin iyo bogaadi u soo
jeediyey dadka qurbo jooga ah ee Somaliland in ay ka
qaybqaataan mashaariicda horumarinayd ee wadanka isla
markaana ay tani tahay mid ku dayasho mudan.
"waa ilaah
Mahadii hadaan samaysanay ganacsi u gaar ah dadka
Somali-land waxaan rajaynayaa ganacsatada Somali-land iyo
kuwa kale ee jecel in ay mashaariic ka samaystaan dalka in
aan diyaar u nahay maxaa yeelay dalku dhismo ayuu u baahan
yahay Kaah Business Group waxay diyaar u tahay in ay wax
alaale iyo naqshad kasta ay idiin dhisto" ayuu yiri C/raxmaan
Ugu
dambeyntii, waxaa isna halkaa ka hadlay guddoomiyaha
ganacsatada isla markaan ah guddoomiye ku xigeenka rugta
ganacsiga Somaliland waxa uu guddomiyuhu Hambalyo iyo
bogaadin u soo jeediyey mulkiilayaasha super market-kan,
guddoomiyuhu waxa kale oo uu ka waramay horumarka xawliga ah
ee wadanku ku socdo iyo sida loogu baahan yahay in lagu
dhiirado maalgashiga dalka.
Super
market-kan ayaa wax uu yahay midka ugu casrisan ee ku yaala
magaalada Hargaysa oo caasimada somali-land waxa uuna ku
Nuux nuuxsaday C/raxmaan in uu ka sii sara marin doonaan
casriga uu yahay hada oo ay tahay in lagu adeegto baabuur u
gaar ah oo ay rajaynayaan inay ku soo kordhiyaan maalmaha
soo socda xataa waxaan samaynaynaa in aan dadka ugu adeegno
ayaga oo jooga guryahooda.
Cabdixakiin Cilmi xasan
Hargaysa
Somali-land
webmaster@ceegaag.com |
