|
Taliye
kuxigeenka Ciidamada Nabad sugidda Degmada Afgooye oo
Duhurnimadii Maanta la dilay
(Afgooye, March
17,
2008 Ceegaag Online)
Sida ay sheegayan
wararka naga soo gaaraya Magaalada Afgooye ee Gobolka
Shabeellaha Hoose kooxo ku hubeysan Bastoolado ayaa toogtay
Taliye kuxigeenkii Ciidamada Nabad sugidda Degmadaas xilli
uu ku sugnaa Suuqa Qaadka lagu iibiyo ee ku yaala
Magaaladaas.
Dilka ayaa waxaa uu
dhacay xilli Taliyaha hor taagnaa gurigiisa oo ku yaala
agagaarka Suuqa lagu iibiyo qaadka ee Degmada Afgooye.
3-Wiil oo ku hubeysan
Bastoolado ayaa rasaas la beegsaday Marxuumka dhintay oo
lagu magacabi Jiray C/qaadir Jabriil Cali iyagoo halkaas ka
baxsaday markii ay hubsadeen in Taliyuhu uu dhintay.
Daqiiqado kadib sida uu
sheegay goobjooga ku sugan Degmada Afgooye waxaa halkii lagu
dilay Taliyaha soo gaaray Ciidamada Dowladda Federaalka
Soomaaliya, kuwaas oo baaritaano ka bilaabay meesha taliyaha
lagu dilay.
ugaarsiga lagu haayo
Saraakiisha Dowladda, Xubnaha Maamulada dalka ka jira iyo
shaqsiyaadka magaca ku leh Bulshada ayaa waxay noqdeen kuwa
aan joogsi lahayn oo maalin walba ka dhaca Gobolada iyo
Caasimadda dalka Soomaaliya.
www.ceegaag.com
webmaster@ceegaag.com |
