Wafdi ka socda Hay’adda QM oo ku sugan gobolka Galgaduud islamarkaana u kuur galaya xaaladaha abaaraha iyo iyo la'aanta ee ka jira gobolkaas.

(Dhuusomareeb, March 27, 2008 Ceegaag Online)

Wafdiga ka socda Hay'adaha Qaramada Midoobay ayaa gaaray xarunta gobolka Galgaduud ee Dhuusamareeb halkaas oo ay kulamo kula qaateen mas'uuliyiinta iyo wax garadka ku dhaqan magaalada Dhuusamareeb.

Xubnaha wafdiga oo ka koobnaa seddex ayaa u tagay magaalada Dhuusamareeb ee xarunta gobolka Galgaduud in ay qiimeeyaan xaaladaha abaaraha iuyo biyo la'aan ee ka jira gobolkaas, waxaana wafdiga ay socdaal ku tagayaan deegaano kale oo ku yaala gobolka gaar ahaan degmooyinka Caabudwaaq iyo Balanballe.

Wafdiga ka socda hay'adaa Qaramada Midoobay oo garoonka magaalada Dhuusamareeb ka soo degay salay gelinkii dambe ayaa kulamo ay qaateen mas'uuliyiinta degmada Dhuusamareeb waxa ay iskula meel dhigeen sidii ay hay'aduhu gargaar ku gaarsiin laahayeen dadka ku dhibaateysan gobolka Galgaduud.

Xubnaha wafdiga ee ka socda hay'adaha Qaramada Midoobay ayaa la filayaa in ay saacadaha soo socda u ambabaxaan deegaano kamid ah gobolka Galgaduud si ay u soo qiimeeyaan xaaladaha ka jira deegaanadaas.

Gobolka Galgaduud ee dalka Soomaaliya ayaa kamid ah gobolada dalka ee ay ka jiraan abaaraha baahsan iyadoo dadka iyo duunyada ku dhaqan gobolkaas ay qarka u saaran yihiin in ay u geeriyoodaan biyo la'aan iyo abaaro baahsan oo gobolkaas ka jira.

Xafiiska Wararka Ceegaag.com Muqdisho, Somalia

Axmed Aadan Ibraahim

axmedmadoobe@hotmail.com

webmaster@ceegaag.com