3 Ardey oo Muslim ah oo Jaamacadd ku taala Dalka Ethiopia looga eryay markii la ogaadey inay Qur’aan Akhristaan.

(Maqale, May 17,  2008 Ceegaag Online)

Saddex ardey oo Muslim ah waxna ka baranayay Jaamacad ku taalla Magaalada Maqalle ee Da;lka Ethiopia ayaa laga eryay Jaamacadii ay dhiganayeen kadib markii la ogaadey inay akhristaan Qur’aanka Kariimka.

Saddexdan ardey waxaa lagu dacweeyey in ay Qur’aanka qaarna dhageystaan qaarna ay akhristaan kadib markii ay gabadh dhulka xaaqda aragtey iyagoo midkood dhagaha Phone ku dhageysanaya, labada kale kitaab Qur’aan ah oo Axmaari ku tarjuman lagu arkey Jeebkooda, Dacwadii kadib waxay Jaamacadii Maqalle University go’aansatey inay wiilashaas erido.

Waxaan aad ugu Mahadcelinaynaa Akhriste isku sheegey Magaciisa daacad oo noo soo turjumey warqaddan kana dhigey Soomaali.

Jaamacadda Maqale
Xafiiska Horjoogaha/Deanka Ardayda

Tix. TMD0378/2000
Taariikh: 23/07/2000

Ku: Ismaaciil Taadhase
ARWS
Ibraahin Xuseen
NREM
Maxamad Yuusuf
NREM

Ujeeddo: Ka joojin Waxbarasho

Waxaa la ogsoonyahay in ardayda kor magacyadiina lagu xusay la idinku helay idinkoo ku howlan arrimo diimeed fasalada wax lagu barto dhexdooda. Maadaama arrintani ay ka hor imaanayso xeerka jaamacadda u yaalla waxaan idiin sheegayaa in muddo hal sano ah la idinka joojiyay waxbarashada.

Sidaa daraadeed, waxaan si adag idiin ogaysiinayaa inaad soo celisaan
wixii alaab ah ee jaamacaddu iska leedahay ee gacmihiina ku jira, ugana
baxdaan xerada jaamacadda sida ugu dhaqsaha badan.

Tixgalin,

Horjoogaha/Deanka Ardayda
Saxeex iyo shaabbad
Yamaane Zarcay

Ogaysiin:

Xafiiska Madaxweynaha
Xafiiska Akadamiyada iyo cilmibaadhista
Xafiiska Maamulka iyo Hor. Ku Xig Madax weynaha
Xafiiska Barnaamijyada Ku Xig Madax weynaha
Xafiiska Dhexe ee Diiwaangalinta
Xafiiska Ku xig. Deanka
Kuliyadda Beeraha Dhul-abaareedka
Waaxda ARWS
Waaxda NREM
Ilaaliyayaasha Jaamacadda

Golaha Ardayda

Dhammaan Ardayda Jaamacadda


Halkan ka akhri warqaddii lagu eryay wiilasha oo Af Axmaari ku qoran

www.ceegaag.com

webmaster@ceegaag.com