Qarax Miino oo lala beegsaday Gaari ay saarnaayeen Ciidamada Uganda ee jooga Muqdisho.

(Muqdisho, May 23,  2008 Ceegaag Online)

Qarax xoogan ayaa goor dhaw waxa uu ka dhacay inta u dhaxeysa garaashka Xaajo dool iyo garoonka aadan Cadde Airport ka dib markii Qarax lala beegsaday gaari ay saarnaayeen Ciidamada Nabad ilaalinta ee AMISOM gaar ahaan Ciidamada Uganda.

Ciidamadan ayaa waxay ka soo baxeen Garoonka Diyaraadaha ee Magaalada Muqdisho,waxayna ku soo jeedeen fariisan ay ku leeyihiin Isgoyska KM4 balse waxaa dhexda ku helay Qarax Miino, Qaraxaan oo ahaa miino ayaan la ogeyn qasaaraha soo gaaray Ciidamada Ugandha ee iyagu ujooga Dalka sidii ay Nabad ugu soo dabaalilahayeen Magaalada caasimada ah ee Muqdisho.

Wararka ayaa sheegaya in ay jiraan dhaawac soo gaaray askartii gaarigaas la socdeen kuwaas oo la arkayay iyagoo gaariga laga soo dhex saarayay.

Goobta uu Qaraxu ka dhacay ayaa waxaa isku gidaamay Ciidamada Booliska kuwaasi oo riday rasaas aad u xoogan oo aan la ogeyn Qasaaraha ay geystay Rasaastaasi waxaana si weyn loo adkeeyay amaanka garoonka Aadan Cadde Airport ee Magaalada Muqdisho.

www.ceegaag.com

webmaster@ceegaag.com