Qaramada Midoobay oo Sheegtay in Dalka Somalia uu ku sii qul qulayo Hub Sharci daro ah.

(New York, May 23,  2008 Ceegaag Online)

Qaramada Midoobay ayaa Sheegtay in Wadanka Somalia uu ku sii Qul qulayo Hub sharci daro ah Xili ay Somalia ay Ka jiraan Dagaalo u dhaxeeya Ciidamada Ethiopia oo garab siinaya kuwa Dowlada Federaalka Soomaaliya iyo kooxaha Ka soo horjeeda.

Safiirka Dalka Koonfur Africa ufadhiya Golaha Amaanka ee Qaramada Midoobay Dumisani Kumalo ayaa Sheegay in Wadanka Somalia uu ku sii qul qulayo hub Sharci daro ah kaasi oo uu ku sheegay in uu yahay mid Ganacsi ah oo ay wataan kooxo uu ku sheegay in yihiin qab qablayaal dagaal oo ku sugan wadanka somalia.

Dumisani Kumalo oo isagu Shir gudoominayay shir Golaha Amaanka ee Qaramada Midoobay oo habeenkii Xalay ahaa ay yeesheen ayaa waxa uu sheeegay in Qabiirada Qaramada Midoobay ay soo gaba gabeeyeen Arimo ku saabsab Somalia isla markaana ay ogaadeen in Taliyaal Meniteri oo iyagu Magacooda qarsanaya ay Wadanka Somalia hub sharci daro ah ay ku soo wadaan.

Safiirka Koonfur Africa ee Qaramada Midoobay Mr. Dumisani Kumalo ayaa waxa uu Golaha Amaanka u Sheegay in kooxda kor meerays hubka Somalia oo iminka eegaya Cuna Qabataynta Somalia ee 1992 la saaray ay Sawir guud Ka Soo bixiyaan xaalda Somalia.

Qaramada Midoobay Waxa ay sheegtay in joogitaanka gudaha wadanka Somalia ee Ciidamada Ethiopia ay jabinayso Cunaqabatayntii hubka ee lasaaray wadanka Somalia iyo sidoo kale kooxaha kasoo horjeeda Dowlada Federaalka Soomaaliya.

www.ceegaag.com

webmaster@ceegaag.com