Manchester United oo ku Guuleysatay Horyaalka Yurub (Daawo Sawirada Dabaaldaga)

(Moscow, May 22,  2008 Ceegaag Online)

Manchester United ayaa ku guuleysatey Koobka (Champions League) Yurub sidaasna loogu Caleemo saaray  Horyaalnimada Qaarada Yurub.

Manchester United ayaa 6:5 (Rigoorayaal) uga adkaatay Kooxda Chelsea kadib markii 120 Daqiiqo oo Ciyaar aad u xiiso galisay dadweynihii daawanayay isku mariwaayeen 1:1 (barbar dhac).

Ciyaaryahanka Reer Portugal ee C.Ronaldo ayaa Kooxda Manchester United u dhaliyay Gool aad u qurux badnaa daqiiqadii 26 ee ciyaarta qaybteedii hore halka dhamaadka isla qaybtii hore Ciyaaryahan F.Lampard uu goolkii barbar dhac ah u dhaliyay Kooxdiisa Chelsea sidaasna ciyaartu ku dhamaatay 1:1

Labada Kooxood ayaa soo bandhigay ciyaar aad uxiiso badan inkastoo dhamaadkii ciyaarta ay ciyaaryahanada labada kooxood dagaal gacan ka hadal ah uu ka dhex qarxay, waxaana Kaarka Cas (Red card) loo taagay D. Drogba oo u ciyaara Kooxda Chelsea  markii uu si anshaxa ka baxsan Dharbaaxo u liqsiiyay Ciyaaryahan N. Vidic oo difaaca uga ciyaara Kooxda Manchester United.

Kooxda Chelsea oo ku rajo weyneyd in ay qaado Koobka Horyaalka Yurub maadama Manchester United ay hore ula hoyatay Horyaalnimada Ingiriiska.

Daawo Sawiradda Dabaaldaga Kooxda Manchester United oo Caawa loo Caleemo saaray Boqorada Horyaalada Yurub.

www.ceegaag.com

webmaster@ceegaag.com