|
Madaxweyne
ku-xigeenka Somaliland Axmed Yuusuf Yaasiin oo tanasulaad
aanu Madaxweyne Riyaale la ogayn sameeyay.
(Hargeysa, May 04,
2008 Ceegaag Online)
Madaxweyne kuxigeenka Somaliland, Axmed Yuusuf Yaasiin, ayaa
shaaca ka qaaday in doorashada Madaxtooyadu ay qabsoomi
doonto 31-ka December, 2008, haddii Komishanku go’aamiyo
inay dhacdo, isaga oo sheegay in cidda wakhtiga doorashada
cayimi kartaa ay tahay Komishanka Doorashooyinka qaranka.
Axmed
Yuusuf Yaasiin, oo habeenkii xalay ahaa ka hadlay xaflad
loo sameeyey ballaadhinta Telefishanka 2aad ee Madaxa
bannaan Somaliland, HCTV (Horn Cable Tv) oo baahintiisa
geliyey Satellite-ka, caalamka oo dhanna laga daawan
doono,falasaasi o o laga soodaayay Telefishankaasi ayaa waxa
uu sheegay in aanay jirin cid is hortaagi karta 31-da
December 20008 haddii Komishanka uu go’aamiyo, isla markaana
muddada Guurtidu u kordhisey muddada xilka Madaxweynaha iyo
Madaxweyne kuxigeenku aanay caqabad ku noqonayn qabsoomidda
doorashada.
Madaxweyne kuxigeenku ayaa ku tilmaamay arrin la yaab leh
is-afgaran waaga taagan,
isaga oo sheegay inay caddahay in Guurtidu sharci u leedahay
inay muddada kordhiso, sidoo kalena Komishanku awood u
leeyahay inuu qabto doorashada ama cayimo wakhtiga ay
dhacayso.
Axmed
yuusuf yaasiin waxa uu meesha ka saaray wakhtigii Guurtidu
u cayintay qabashada doorashada Madaxtooyada ah oo ahayd 06
April 2009, Isaga oo ka hadlaya Madaxweyne kuxigeenku
xisbiyada Mucaaridka,oo goob joog ahaa xafladaasi waxa uu
yidhi, “Mucaaridka horta ha la yaabina, waxaydinaan ula
yaabin, mucaaridku waa Geel aan cokanayn, geel aan cokanayn
haddii ceel la keeno wuu jibaadaa … Annagu (Xukuumadda UDUB)
waan cokanahay oo darkii baanu galay, markaa muxaafidiinta
waxaan leeyahay ha dhibsanina”.
Khilaafkan mudo kordhinta ayaa waxaa uu taagnaa in mudo ah
iyadoo golaha guurtida ee kordhiyay mudo kordhinta ay iyaga
gudahooda soo kala dhex galeen khilaaf xoog leh oo keenay
in mudanayaasha qaarkood ay soo gudbiyeen in laga noqdo
mudokordhinta.
Madaxwayane Riyaale ayaa umuuqda mid cidlo soo istaagay mar
hadii ku xigeenkiisa uu soo dabcay isagana uu ku ad
kaysanayo in uu yahay Madaxweyanaha xaqa ah ee Somaliland
isagoo ka sheegay hadalo umuuqday mid uu ugu hanjabayo
Mucaaradka uuna yidhi wuu siqiirayaa cidii soo hawaysata
kursigayga lamagaranayo waxa ay soo kordhin karto kala
leexadka labada Mas'uul
Xafiiska Wararka
Ceegaag.com
Hargeysa
webmaster@ceegaag.com |
