Diyaarado Helicopters ah oo joog hoose ku socda ayaa saaka lagu arkay Xeebaha Magaalada Muqdisho.

(Muqdisho, May 16,  2008 Ceegaag Online)

Diyaarado Helicopters ah oo joog-hoose ku socda ayaa saaka waxaa lagu arkay hawada Xeebta Magaalada Muqdisho, gaar ahaan inta ku aadan  Degmooyinka Xamarweyne, Shangaani iyo C/Casiis ee Gobolka Banaadir

Sida ay dad badan qabaan Diyaaradahan ayaa la aaminsan yahay in ay ka soo duuleen Markab dagaal oo taagan bartamaha badda Soomaaliya balse lama oga sababta keentay inay dul maraan xeebaha Magaalada Muqdisho

Maalmahanna waxay dadka ku dhaqan degmooyinka Kaaraan, C/Casiis, Shangaani, Xamarweyne iyo Xamar Jajab sheegayeen in ay arkayeen Markab dagaal oo taagan meel aan ka dheereen Xeebta Muqdisho, kaasi oo marba dhinac u soconayay.

Xeebaha Soomaaliya ayaa waxaa dhawaanahan ku soo badanayay Maraakiib dagaal oo ay leeyihiin Dalalka Reer Galbeedka, kuwaasi oo markii ay soo galayaan biyaha Soomaaliya sheegay in ay la dagaalamayaan Kooxaha Burcad Badeedka ah ee ka dilaacay Xeebaha Soomaaliya.

www.ceegaag.com

webmaster@ceegaag.com