|
Dowladda
Kenya ayaa xirtay xadka ay la wadaagto dalka Soomaaliya
(Mandheera, May
07,
2008 Ceegaag Online)
Dowladda
Kenya ayaa
xirtay xadka ay la wadaagto dalka Soomaaliya, iyadoo xuduuda
ay dhinaca Soomaaliya kala wadaagto soo dhoobtay ciidamo aad
u fara badan oo ah kuwa ilaaliya xuduudaha.
Dowladda
Kenya ayaa si
weyn u ilaalineysa xadka dalkeeda, iyadoo ka cabsi qabta in
ay gudaha dalkeeda galaan dadka Soomaaliyeed ee ka
barakacaya dhibaatooyinka ka jira dalka Soomaaliya, gaar
ahaan dagaalada aan dhamaadka laheyn ee ka sii socda
caasimadda Soomaaliya ee Muqdisho.
Wararka laga helayo magaalada Mandheera ayaa sheegaya in ay
halkaas soo gaareen ciidamo aad u fara badan oo Kenyan ah
kuwaas oo ka qeyb qaadanaya ilaalinta xuduudaha dalka
Kenya uu la
wadaago dalka Soomaaliya.
Guddoomiyaha degmada
Mandheera ee dhinaca Kenya
Naftali Mongathia ayaa wada dadaalo uu kaga hortago dadka
Soomaaliyeed ee ku sii qulqulaya gudaha
Kenya kuwaas
oo ka cararaya dhibka ka jra gudaha dalka Soomaaliya.
Dowladda
Kenya
ayaa badanaa xirta xuduudaha ay la wadaagto dalka Soomaaliya
marka ay isi soo taraan dadka Soomaaliyeed ee ku sii
qulqulaya gudaha
Kenya
kuwaas oo ka baxsanaya dhibaatada iyo dagaalada aan hakadka
laheyn ee ku sii baahaya gudaha dalka Soomaaliya.
Xafiiska Wararka
Ceegaag.com Muqdisho, Somalia
Axmed Aadan Ibraahim
axmedmadoobe@hotmail.com
webmaster@ceegaag.com |
