|
Hay'adda Amensty
International ayaa markale Cambaareysay Xadgudubyada ka
dhacay Dalka Somalia.
(Nairobi, May 07,
2008 Ceegaag Online)
Hay'adda Amensty
International ayaa sheegtay in loo baahan yahay in baaritaan
lagu sameeyo kaalinta ay dawladda Maraykanka ku leedahay
xadgudubyada ka dhanka ah xaquuqda aadanaha iyo dambiyada
dagaal ee ka dhacaya dalka Soomaaliya.
Warbixin ay Hay'adda mar labaad soo saartay wax ka yar
24-saac ayey ku sheegtay in beesha caalamka looga fadhiyo in
ay baaritaan ku sameeyaan xadgudubyada iyo falalka ka dhanka
ah bini'aadanimada ee ka dhacaya dalka Soomaaliya.
Hay’adda ayaa warbixino
laga soo ururiyay dad Soomaali ah oo ka qaxay dagaalada
Muqdisho waxa ay ku sheegtay in ciidamada
Ethiopia iyo
kuwa dowladda fFderaalka Soomaaliya ay falal liddi ku ah
xuquuqda aadanaha u geysteen qoysas shacab ah oo ka
barakacay magaalada Muqdisho kuwaasoo ku dan darraysayn
goobo ay deegaano ka dhigteen oo ku yaalla afaafka magaalada
Muqdisho.
Hay'adda ayaa sheegtay
in gabar lagu magacaabo Haboon oo ka mid ah qoysaska ka
barakacay magaalada Muqdisho ayay hay’adda u xaqiijisay in
ciidamada Ethiopia ay kufsi
wada jir ah u geysteen gabar 17 jir ah oo deris la ah,
waxayna intaa ku dartay in wiilal la dhashay gabadha oo
da’doodu u dhexeysay 12-13 oo isku dayay inay difaacaan
gabadha walaahood ahna ay ciidamada Ethiopia baynaad kaga
bixiyeen labada indhood.
"Mareykanku wuxuu
tababarro siiyaa ciidamada
Ethiopia
ee falalka ka dhanka ah xaquuqda aadahana ka geysta
Soomaaliya, waxaa sidoo kale uu dhaqaale ku bixiyaa
ciidamada
Ethiopia"
ayey hay'addu ku tiri warbixinta ay ka soo saartay dalka
Soomaaliya.
Ciidamada
Ethiopia
ayey hay'addu ku eedeysay in dagaalladii ugu dambeeyay ee
dhex maray iyaga iyo xoogagga ka soo horjeeda ay gowraceen
tiro dad ah oo u badan culimaa’udiin oo ay ku weerareen
masjid ay ku cibaadaysanayeen.
Warbixinta ay soo saartay hay'adda
Amnesty International ayaa noqoneysa tii labaad ee ay
soo saarto hay'addu wax ka yar muddo 24 Saacadood.
Xafiiska Wararka
Ceegaag.com Muqdisho, Somalia
Axmed Aadan Ibraahim
axmedmadoobe@hotmail.com
webmaster@ceegaag.com |
