Kacdoon ka dhan ah Ajaaniibta ku Nool Dalka Koonfur Africa ayaa hareeyay Guud ahaan Dalka K/Afrika.

(Johannesburg, May 16,  2008 Ceegaag Online)

Waxaa baryahan hareeyey dalka Koonfur Africa kacdoon ka dhan ah dadka Ajaaniibta ee ku dhaqan guud ahaan  dalka South Africa, kacdoonkan ayaa ka jira Magaalooyin baddan oo ku yalaa dalka South Africa, waxaa la xaqijiyeey iminka deegaanadii shalayto iyo maalmihii lasoo dhaafay ay rabshadaha halakeeyeen in ay maanta degantahay, iyadoo dhamaan dawlada oo dhan ay si isku mid ah oga hadleen dhacdooyinkani, ugu yaraan golaha wasiirada ayaaba xittaa soo jeediyey in dhamaan tuulooyinka ay shisheeyaha deganyihiin la geeyo ciidamo dheeraad ah oo amaankooda suga.
 
shalayto galinkii dambe ayay rabshaduhu soo gaareen, iyadoo la arkaya tuulada lagu magaacabo Diepsloot dadka degan iyo ciidama Police-ka oo isku dhac dhex maray, inta la ogyahayana waxaa Policeku eey xireen 15 qof oo rabshadaha loo qabtay tuuladaasi. rabshada ayaa xoog lagu joojiyey, waxaana baaqday Soomaali baddan oo qorsheyneysay in eey meesha kasoo qaxaan, walow wali xaalada eey kacsantahay,.
 
dhanka kale golaha wasiirada dalka ayaa shalayto hadal cad kasoo saaray rabshadaha, afhayeenka golaha wasiirada Themba Maseko ayaa sheegey in haddii xittaa loo baaahdo in dhamaan tuuulooyinka eey deganyihiin Ajaaniibta Ciidamo lagu daadiyo, in sidaasi la yeelayo, wuxuuna tilmaamay in eey qasabtahay in ajaaniibta la caawiyo oo la difaaco. 
 
Si kastaba ha ahaatee wasiirada u qabiisan dhinaca qaxootiga ee  Home Affairs-ka ayaa iyaduna shalay sheegtey in dadka sharci darada dalka ku jooga, ee laakiin dhibaatada ay saameysay aanan dib loo celin doonin, taasi badankeedana la caawin doono, sharciyana la siin doono, waxayna tiri "dadkani waa dhibanyihiin, inaga ayay nagu soo carareen, kana faa'iideysan meeyno, oo dib u celin meeyno, taaasi badalkeedana waan caaawineynaa, meelihii laga barakiciyeyna waa in lagu celiyaa, taana waa qasab".

W/D Hassan YeeY

Johannesburg, South Africa

yeey18@hotmail.com

webmaster@ceegaag.com