|
Kolonyo
Ethiopian ah oo maanta qaraxyo iyo weerar lagula beegsaday
meel ku dhow deegaanka Leego ee gobolka Sh/hoose.
(Leego, May 12,
2008 Ceegaag Online)
Kolonyo ciidamo
Ethiopian ah ayaa maanta qaraxyo iyo tacshiirad lagula
beegsaday meelku dow deegaanka Leego ee gobolka Sh/hoose
halkaas oo la sheegay in ciidamada
Ethiopia uu
khasaare xooggan ka soo gaaray.
Dadka deegaanka ayaa ku
waramay in seddax kamid ah gawaari ay wateen ciidamada
Ethiopia
lagu qarxiyey halkaas islamarkaana ay ciidamada
Ethiopia soo
gaartay khasaare isugu jira dhimasho iyo dhaawac kaas oo aan
la ogeyn inta uu gaarsiisan yahay.
Wararka ayaa sheegaya in
ciidamada
Ethiopia
oo ku soo jeeday magaalada Muqdisho kana yimid magaalada
Baydhabo ay dib ugu laabteen magaalada Baydhabo kadib markii
ay khasaare xooggan kala kulmeen qaraxyada oo ay wehliyeen
tacshiirado lala beegsaday qaraxyada kadib.
Si dhab ah looma oga
askarta ciidamada
Ethiopia
ee ku waxyeelowday qaraxyada iyo weerarka xigay, hase
ahaatee wararka laga helayo gobolka Bay ayaa sheegaya in
gawaaridii dib ugu laabtay magaalada Baydhabo ay sideen
dhaawacyo.
Wadada isku xirta
magaalooyinka Baydhabo illaa Muqdisho gaar ahaan inta u
dhexeysa degmooyinka Wanla-weyn illaa Buurhakaba ayaa
maalmihii ugu dambeeyey waxa ay noqdeen kuwa lagu
bartilmaameedsado ciidamada
Ethiopia
iyo kuwa Dowladda KMG ee isticmaala wadadaas.
Xafiiska Wararka
Ceegaag.com Muqdisho, Somalia
Axmed Aadan Ibraahim
axmedmadoobe@hotmail.com
webmaster@ceegaag.com |
