Kooxda Man United ayaa loo Caleemo saaray Hanashada Horyaalka England.

(London, May 11,  2008 Ceegaag Online)

Kooxda Manchester United ayaa Hanatay Horyaalka Ingiriiska  markii Kooxda Chelsea ay barbar dhac la gashay Kooxda Bolton.

Hoyaalka Ingiriiska ayaa ciyaartii ugu xiisaha badneed  ee lagu kala qaadayay Horyaalnimada England ayaa maanta  waxa ay dhexmartay Manchester United iyo  Wigan halka Chelsea ay iyadu la ciyaareysay Kooxda Bolton.

Ciyaarahan oo ku bilaabaday si xamaasad leh ayaa waxaa lagu kala baxay Manchester United oo 2:0 kaga adkaatay Wigan halka Chelsea ay bar bar dhac la gashay Bolton 1:1.

Chelsea ayey aheyd in ay badiso si ay rajo ugu sii yeelato hanashada horyaalka iyadoo rajeyneysa in Manchester United laga adkaado ama barbar dhac gasho laakiin taasi ma dhicin oo Kooxda Chelsea ayaa gashay Barbar dhac halka Manchester United ay kaga adkaatay Wigan 2:0 sidaasna loogu caleemo saaray Horyaalka England ee sanadka 2007-08.

Chelsea iyo Man.United ayaa ku balansan finalka koobka UEFA Champions Leagues oo 21-ka bishan lagu qaban doono magaalada Moscow ee caasimada Dalka Russia.

Qomadii Sportsga

www.ceegaag.com

webmaster@ceegaag.com