Kooxda Real Madrid oo xalay six un uga adkaatay Kooxda Barcelona iyadoo loo caleemo saaray Horyaalka Spain.

(Madrid, May 08,  2008 Ceegaag Online)

Naadiga weyn ee Real Madrid ayaa ku guuleystay horyaalka sanadkan ee dalka Spain markii ay xalay si xun uga badiyeen Kooxda Xilaaftanka uu ka dhexeeyo ee Barcelona.

Real Madrid oo sanadkii hore ku guuleesatay Horyaalkii 30-aad ayaa week gan waxaa loo caleemo saaray kii 31-aad  

Real Madrid inkastoo ay Axadii hore qaaday Horyaalka Spain ayaa hadana Ciyaartii xalay ay kaga adkaadeen Barcelona markii ay dhamaatay bilaabay Dabaaldagyo iyadoo taageerayaasha Kooxda Real Madrid ay si weyn xalay iskugu soo baxeen Magaalada Madrid ee caasimada Dalka Spain si ay ula  Damaashaadaan Ciyaaryahanadooda maadaama Kulankii hore ee ay kaga guuleysteen Kooxda Asasuna ay ku hanteen Horyaalka Sanadka 2007-08

Real Madrid wuxuu horyaalkan u noqonayaa koodii 31aad iyadoo ciyaartoydii Real Madrid ay bilaabeen dabaaldeg iyo damaashaad iyagoo isugu hambalyeynayey guushaan ay soo hoyeen.

Kooxda Real Madrid waa kooxda ugu koobabka badan kooxaha Yurub iyagoo ku guuleystey 31 horyaalka Spain, 9 horyaalka kooxaha Yurub (Champions League)  2 koobka UEFA iyo 17 koobka koobabka.

www.ceegaag.com

webmaster@ceegaag.com