Maalinta Saxaafadda Adduunka oo ku beegan 3-da May ayaa maanta laga xusay Magaalada Muqdisho.

(Muqdisho, May 03,  2008 Ceegaag Online)

Munaasabad lagu maamuusayo maalinta saxaafadda ayna ka qeybgaleen dad u badan oo saxafiyiin, agaasimayaal iyo mas'uuliyiin uu kamid ahaa Ra'isul wasaare ku xigeenka Dowladda Federaalka ahna Wasiirka warfaafiinta isboortiga iyo dhalinyarada Axmed C/salaan Xaaji Aadan ayaa manta lagu qabtay Hoteelka naasa hablood ee magaalada Muqdisho.

Hadal kooban oo uu Axmed C/salaan halkaasi ka jeediyey ayuu ku sheegay in loo baahan yahay in la ilaaliyo amaanka saxaaafadda Soomaaliya oo uu qiray in ay ku shaqeyso dal ay ka jiraan dhibaatooyin dhinacyo badan leh islamarkaana si joogto ah loogu xadgudbo xoriyadda saxaafadda Soomaaliya.

Wuxuu intaas raaciyey in uu saxaafadda qudheeda ugu baaqayo in ay tixgeliso xoriyadda oo aaney noqon mid ku xadgudubta xoriyadda saxaafadda, waxaana uu ugu baaqay in dhinackasta uu u istaago sidii looga qeyb qaadan lahaa nabad ku soo celinta dalka Soomaaliya.

Goota ay ka dheceysay munaasabadda lagu maamuusayey maalinta saxaafadda ee 3-da May ayaa lagu soo bandhigay xadgudubyo loo geystay qaar kamid ah warbaahinta madaxa banaan ee ka howlgasha dalka Soomaaliya, iyadoo halkaas lagu sheegay in qeybo kamid ah warbaahinta sida idaacadaha iyo saxafiyiin xadgudub loo geystay ka dhan ah xoriyadda saxaafadda.

Xuska munaasabadda 3-da May ee lagu qabtay maanta hotelka Naasahablood ayaa ku soo beegmeysa xilli falal xadgudub ah oo joogto noqday kana dhan  saxaafadda dalka Soomaaliya ay ka dhacayaan guud ahaan dalka Soomaaliya gaar ahaanna magaalada caasimadda ah ee Muqdisho.

Xafiiska Wararka Ceegaag.com Muqdisho, Somalia

Axmed Aadan Ibraahim

axmedmadoobe@hotmail.com

webmaster@ceegaag.com