Madaxweyanaha Soomaaliya iyo wafdi uu hogaaminaayo ayaa maanta dib ugu soo laabta magaalada Muqdisho.

(Muqdisho, May 11,  2008 Ceegaag Online)

Madaxweyne C/laahi Yuusuf oo ay la socdaan xubno ka tirsan mas'uuliyiinta dowladda ayaa saaka ka soo degay garoonka caalamiga ah ee Aadan Cadde International Airport, waxaana halkaasi ku soo dhaweeyey mas'uuliyiin ka tirsan dowladda Soomaaliya.

Amaanka madaxweynaha iyo wafdigiisa ayaa si weyn loo adkeeyey, waxaana ciidamo aad u fara badan lagu daadiyey wadada isku xirta gaaroonka diyaaradaha illaa xarunta madaxtooyada ee Villa Soomaaliya kuwaas oo si taxadar leh u ilaalinayey amaanka.

Madaxweyne Yuusuf ayaa intii aanu ku soo laaban magaalada Muqdisho waxaa uu safarro dibadda ah ku soo kala bixiyey wadamo ay kamid yihiin Mareykanka, Ingiriiska, France iyo Kenya waxaana uu ka soo duulay magaalada Nairobi ee Caasimadda dalka Kenya oo uu soo maray.

Madaxweynaha Soomaaliya C/llaahi Yuusuf ayaa dalalkii uu booqashada ku tagay waxa uu kala hadlay arrimaha dalka Soomaaliya, gaar ahaan dalka France oo ay madaxdiisa ay isla soo qaadeen dhibaatooyinka ay burcad badeeddu ku hayaan xeebaha dalka Soomaaliya.

Xafiiska Wararka Ceegaag.com Muqdisho, Somalia

Axmed Aadan Ibraahim

axmedmadoobe@hotmail.com

webmaster@ceegaag.com