Madaxweynaha Dalka South Africa Thabo Mbeki oo loo soo Jeediyey inuu wareejiyo Xilka ka hor 2009.‏

(Johannesburg, May 11,  2008 Ceegaag Online) 

Afhayeen u hadlay Xisbiga talada haya  dalka South Africa ee  ANC ayaa beeniyey in shir maanta u furmey 3da xisbi ee bahwadaagta ku ah xukuumada Mbeki ee kala ah SACP, ANC iyo COSATU ay ka wada hadleen in Madaxweyne Thabo  Mbeki shaqada laga diro ka hor inta uusan xiligiisa dhamaan dabayaaqada 2009-ka.

Tiyani Ritkhosa, oo ah afhayeenka xisbiga ayaa yiri “maana maqal wax ku saabsan Mbeki in xilka laga tuuro, oo maanta shirka looga wadahadlay, agendahana kumaba jrrin, dhamaan Zuma, Vavi iyo Blade dhamaantood meeysan soo hadal qaadin qodob ceykaasi ah” ayuu yiri afhayeenka oo saxaafadda oga jawaabayay su’aalo dhowr ah oo la xariira, war saakay kusoo baxay wargeyska Saturday Star oo isaga oo soo xiganaya saraakiil sarsare oo ka tirsan xisbiga hantiwadaaga SACP, in shirka lagu soo qaaday qodobkaasi.

Wargayska ayaa warbixintiisa ku sheegey in xisbiyada ANC bahwadaagta la ah ay soo hadal qaadeen, qodobada kala ah qalalaasaha quwada korontada, iyo arrintii ugu dambeeysey ee ah SABC oo buuq uu ka taaganyahay, in eey muujinayaan waxyaalaha in hogaan xumi eey dalka heyso, sidaasina loo baahanyahay in  Madaxweyne Thabo Mbeki uu xilka isaga dego ka hor xiligiisa.

Si kastaba ha ahaatee 3- da xisbi ayuu maanta shir uga  bilowdey Magaalada caasimada ah Ee Pretoria kaas oo looga hadlayo, qilaaf xoogan oo la sheegey in uu soo kala dhexgalay labbada garab ee ANC. 

Madaxweyne  Thabo Mbeki ayaa lagu eedeenayaa in uu hadh iyo jeer wada shaqeyn joogta ah la leeyahay shirkadaha ganacsiga, iyo dad yar oo cadaan ah oo dhaqaalaha dalka gacanta ku haya, iyadoo uu hilmaamay dadka fuqurada ah iyo dan yarta, sidaasi waa eeda ay soo jeedinayaan xisbiyada bahwadaagta ah.

Hassan Yeey

Johannesburg, South Africa

yeey18@hotmail.com

webmaster@ceegaag.com