Madaxweynaha Puntland Cadde Muuse oo Dalka Dib ugu Soo Laabtay ( Daawo Sawiradda)

(Bosaaso, May 21,  2008 Ceegaag Online)

Abaaro 6:00 Maqribnimo Ee Caawa ayaa Garoonka Diyaaradaha ee Bosaso waxaa ka soo Degay wafdi uu hogaaminayo Madaxweynaha Puntland Cadde Musse Hirsi kaasi oo muddoyinkii dame Booqashooyin ku marayay Dalal ay ka mid ahaayeen Ethopia,Jabuuti,Kenya Iyo England Halkaasi oo uu kula kulmay Madax ka socota DKMG Iyo Kuwa Dalalkaasi.

Garoonka Diyaaradaha ee Bosaso Madaxweynaha Waxaa ku soo dhaweeyay Masuuliyiin ka tirsan Labada Gole Ee Puntland ay ka kooban tahay Kan Gobolka Bari Kan Degmada Bosaso Iyo Dadweyne Tira badan oo daneenayay Soo Dhaweynta Cadde Musse.

Waxaa sidoo kale Halkaasi La soo Dhoobay Ciidamo tira Badan kuwaasi oo ku labisnaa Dharka Lagu Yaqaano Oo Si weyna u waardiyeeynayay Amaanka Garoonka.

Madaxweynaha Waxa uu garoonka uu kula hadlay Saxaafada isaga oo uga xog waramay Safaradiisii Dibada oo uu sheegay Madaxweynuhu in ay ku soo dhamadeen Guul isla mar ahaantaana uu dhamaantood uu kala hadlay Danaha Puntland iyo iskaashi dhexmara labada dhinac.

Madaxweyne cadde Musse waxa uu sheegay in uu khalad Weyn galay Markii uu xoooga Saaray Arimaha Dhaqaalaha Balse haatan uu u soo jeesan doono Horumarinta amaanka Iyo Sidii Gacanta loogu soo dhigi lahaa Dhamaan Dadka uu maamulkiisu ku tuhunsan yahay In ay Maleegayaan falal amaanka ka dhan ah.

Madaxweyne Cadde Musse in uu garoonka uu ku sugnaa waxa uu amray in la sii daayo Rag la sheegay in ay Ka soo Jeedaan Kililka Shanaad ee Ethopia oo uu madaxweynuhu tilmaamay in ay yihiin Muwaadiniin Somali ah Oo aan Wax dambi ah lahayn tasi oo si weyn loogu sacab tumay.

Madaxweynaha Ayaa la filayaa In uu maalmaha soo socda uu kulamo la qaato Qaybaha Bulshada ee Bosaso oo kala hadli doona wax kaqaabadka arimaha ka jira Puntland.

Xigasho: Laasqoray

webmaster@ceegaag.com