Meles Zenawi oo cadeeyay Ujeedada ay Ciidamadiisu ujoogaan Gudaha Dalka Somalia.

(Addis Ababa, May 22,  2008 Ceegaag Online)

Ra’iisal Wasaaraha dalka Itoobiya Ato Meles Zenawi oo shalay su'aalo lagu weydiiyay fadhi uu laha Baarlamanka dalkiisa ayaa cadeeyay ulajeedka duulaankooda Soomaaliya iyo dagaalada ay kaga sii jireen isagoo ku sheegay mid khatar ay kaga difaacayaan dhamaan shucuubta geeska Afrika.

Meles Zenawi waxaa uu si cad u qirtay in dhibaato xoogan ay ku wajahayaan gudaha dalka Saomaaliya ciidankiisa laakiin  Waxa uu xusay ulajeedka ka danbeeyay duulaankooda Soomaaliya in uu yahay sidii khatarta ay kaga qaadi lahayeen shacabkooda iyo dalalka geeska Afrika guud ahaan,kuwaasi oo uu cadeeyay in khatar ay kaga soo socotay Soomaaliya.

Waxaa uu yiri''waxaan ka hortagnay khatar xoogan oo nooga soo socotay Soamaaliya, taasi oo kooxaha jihaadistayaasha ay ku doonayeen in ay ku qal qal galiyaan amaankeena''ayuu yiri Meles oo la weydiiyay sababta ay Soomaaliya u galeen ciidanka dalkiisa.

Hadalka kasoo baxay Ra’iisal Wasaaraha Itoobiya wuxuu imaanaya maalmo kadib markii la shaaciyay in ciidamo ka socda Qaramada Midoobay in la keenayo Soomaaliya si loo badalo kuwa ka socda ururka Midowga Afrika ee Amisom iyo Ciidamada Itoobiya

www.ceegaag.com

webmaster@ceegaag.com