Qaraxyo waa weyn oo Maanta lala beegsaday Munaasabadii Ginbood 20 ayaa ka dhacay Magaalada Nageele.

(Nageele, May 28,  2008 Ceegaag Online)

Wararka ka imaanaya gobolka Liibaan ee Ismaamulka Deegaanka Soomaalida ayaa waxa ay xaqiijinayaan in qaraxyo xoogan oo lala beegsaday munaasabadii 20 Ginbood ay ka dhaceen Magaalada Nageele iyadoo qaraxyadani ay geysteen dhimasho iyo dhaawac lixaad leh.

Qaraxyadan oo sida lasheegey ka dhacay meel ay kasocdeen Munaasabada iyo damaashaad dad badanna ay kusugnaayeen ayaan illaa iyo hadda la garaneynin khasaaraha dhimasho iyo dhaawac ee ka dhashey.

Ciidamada Amaanka ee loo Yaqaano Federaal Police ayaa isku gadaamay Goobihii ay qaraxyadu ka dhaceen iyagoo sidoo kale Adkeeyay Amaanka dhamaanba goobaha Muhiimka ah ee Dawladda  iyo goobaha dadku isugu yimaadaan mana jiraan cid sheegatay Masuuliyada Qaraxyadani sidoo kale ma jiraan ilo madaxbanaan oo xaaladaan ka hadley.

Guud ahaan Dalka Itoobiya ayaa Maanta looga Dabaaldagay Xuska Munaasabadda Qiimaha leh ee Ginbood 20 oo ah maalintii Xukunka laga tuuray Kaligii Taliyihii Mengistu Haile Maryam oo maalinimadii Isniinta ay Maxkamadii Labaad ay ku xukuntay DIL Toogasho kadib markii lagu eedeeyay inuu Xasuuqay 2,000 oo qof inka badan 2,400 oo qofna uu u geystay Jidh dil..

Mengistu Haile Maryam ayaa horaantii Sanadkii hore Markamad  waxa ay ku Xukuntay Dil Toogasho kadib markii lagu helay inuu geystay Xasuuq Boqolaal Kun oo qof iyadoo Xasuuqaasi ay geysteen ururkii loo yaqaanay Red Terror Argagixii Casaa ee uu Madaxda ka ahaa...

Waxii kasoo kordha kala soco Ceegaag Online

www.ceegaag.com

webmaster@ceegaag.com