Roobab lagu qabowsaday ayaa ka da’ay Degmooyin ka tirsan Gobolka Sanaag

(G.Sanaag, May 08,  2008 Ceegaag Online)

Waxaa maanta roob lagu diirsadey uu ka da’ay Gobolka Sanaag gaar ahaan Magaalooyinka Dhahar iyo Buraan iyo nawaaxigooda Waxaa kaloo sidoo kale uu roobka ka da’ay degmada Xingalool roobkaas oo ku badnaa dhanka miyiga Soolasha iyo deegaanada Laag iyo Ceeldoofaar.

Waxaa maanta xirmey wadooyinka laga soo galo deegaanada Ceeldoofaar taasoo oo uu kaliyadii iyo jaankii uu biyaha buux dhaafiyey.

Roobab aad loogu diirsadey ayaa u da’ay maalmahan deegaanada gobolka Sanaag sida Badhan, Ceerigaabo, Laasqoray, kuwaasoo kabixiyey dadka jiilaalkii dheeraa uu soomarey gobolka tan iyo sanadkii lasoo dhaafay

Roobabkan ayaa ah kuwo aad loogu diirsaday waxaana ay ku soo beegmeen xili ay jireen dad badan oo ku soo xaroonayey magaalooyinka kuwaas oo aanay jirin ilaa iyo hadeer wax gacan ah oo ay ka heleen Hay’addaha caalamiga iyo maamulada Puntland iyo Somaliland.

www.ceegaag.com  

webmaster@ceegaag.com