Roobab xoog leh oo ka da’ay Degmada Ceegaag iyo Nawaaxigeeda.

(Ceegaag, May 02,  2008 Ceegaag Online) 

Waxaa Roobab xoog leh ka da’een Degmada Ceegaag iyo Nawaaxigeeda iyadoo guud ahaanba Magaalada Ceegaag ay la ciir ciirayso biyo meel waliba ishaya iyadoo guud ahaaba ay buuxsameen baraagihii Magaalada  dadka ku nool Magaalada Ceegaag ayaa aad ugu Farxay Roobabka ka curtay guud ahaanba Gobolada Waqooyi ee Soomaaliya .

Magaalada Ceegaag ayaa waxaa ka jiray bilihii lasoo dhaafay Abaaro xoogleh oo dad iyo duunyoba saameeyay iyadoo hada ay jabtay Abaarta dadka inta badan haysay
 
Roobabka Waxay kaloo ay kada’een Guud ahaan Gobolka Cayn iyagoo biyo dhigay Magaalooyinka  Horufadhi,. Sool joogto ,Widhwidh, iyo Buuhoodle. Sidoo kale Gobolka Sool ayay Guud ahaan Roobabku ka da’een
 
Dhinaca kale waxaa ducadii  uu Ilaahay ka aqbalay adoomihiisa gacmaha hoorsaday iyadoo meeshii ugu hooseesay maraysay Abaartu ,oo ay meelaha qaarkood ka bilowdeen dhimashada Caruurta iyo dadka Awooda daran,iyo xooluhuba.iyadoo Magaalada Buuhoodle ay ku geeriyoodeen ugu yaraan Labo qof.

Xafiiska Wararka Ceegaag.com

Ceegaag

webmaster@ceegaag.com