|
Shaqaalaha
Deegaanka Soomaalida oo Maanta Shir isugu yimid Magaalada
Jig-Jiga.
(Jig-Jiga, May 24,
2008 Ceegaag Online)
Waxaa Saaka qolka
Shiraraka ee Ismaamulka Deegaanka Soomaalida shir isugu
yimid, dhammaan shaqaalaha xafiisyada kala duwan ee Dawlada
Deegaanka Soomaalida.
Shirkaas oo ay
hoggaaminayeen Madaxweyne ku xigeenka Ismaamulka Deegaanka
Soomaalida Jaamac Axmed Jaammac, Hoggaanka Nabadgalyada;
Cabdi Maxamuud Cumar (Cabdi Ileey), iyo Wasiirka Horumarinta
Kheyraadka Biyaha Dr. Suldaan Wali, ayaa lagaga wada
hadlayey in si buuxda loo baabi’iyo loona fashiliyo
xidhiidhka iyo mabaadii’da Ururada nabadiidka ah.
Shaqaalihii
maanta soo xaadirey shirka oo ay tiradoodu ka badneyd 2000,
ayaa cod buuxa ku ballan qaadey in aysan sinaba ku aqbaleyn
nabadiidnimada, isla markaana ka ilaalin doonaan In ay soo
dhexgasho Nidaamka Dowliga ah.
Xafiisyada kala
duwan ee Ismaamulka Deegaanka Soomaalida shaqaalaha ka
shaqeeya, oo xafiis walba uu horkacayey Wasiirka madaxa ka
ah, ayay ahayd markii ugu horeysay ee iyagoo wada jooga ay
ka wada hadlaan sidii nidaamka looga ilaalin lahaa afkaarta
nabadiidnimo, isla mar ahaantaana ay is tusaaleeyeen sidii
looga guuleysan lahaa kooxaha diidan in shacabka, Deegaanka
Soomaalida xasilooni iyo Horumar helaan.
www.ceegaag.com
webmaster@ceegaag.com |
