Tahriibayaal Soomaali ah oo laga qabqabtay Xadka u dhexeeya Sudan iyo Libya.

(Muqdisho, May 15,  2008 Ceegaag Online)

Ciidamada dalka Sudan ayaa qabqabtay Tahriibayaal Soomaali ah oo doonayey in ay dalka Sudan uga sii gudbaan dalka Liibiya, xilli dalka Sudan ay ka jiran qalalaase siyaasadeed oo hareeyey magaalooyin ay kamid tahay Khartoum.

Tahriibayaasha Soomaalida ah ayaa ciidamada dalka Sudan waxa ay ka soo qabqabteen magaalada Ummu Darmaan ee dalka Sudan halkaas oo rag u dhashay dalka Sudan ay ku hayeen iyagoo doonayey in ay usi gudbaan gobolada kale.

Dadka tahriibayaasha Soomaalida ah oo aan tiradooda si rasmi ah loo heynin ayaa waxaa lala xiray rag u dhashay dalka Sudan oo muqalasiin ah, lamana oga halka lagu xiray.

Wararka ayaa sheegaya in ciidamada Sudan ay sidoo kale xireen dad Soomaali ah oo isugu jira Arday iyo muqalasiin kuwaas oo wararku ay sheegayaan in qaarkood la sii daayey markii ay u dacwoodeen maamulada Jaamacadihii ay wax ka baranayeen.

Waxaa soo kordhaya dadka tahriibayaasha ah ee si tahriib ah ku gala dalka Talyaaniga iyagoo sii maraya dalka Liibiya, hase ahaatee dadkaas waxa ay badankood la kulmaan xarig iyo dhimasho kadib marka ay ku harqadaan badda u dhexeysa dalalka Liibiya iyo Talyaaniga.

Xafiiska Wararka Ceegaag.com Muqdisho, Somalia

Axmed Aadan Ibraahim

axmedmadoobe@hotmail.com

webmaster@ceegaag.com