|
Waraaqo digniin
ah ayaa xalay lagu daadiyey magaalada Baydhabo ee xarunta
gobolka Bay
(Baydhabo, May 28,
2008 Ceegaag Online)
Waraaqo
digniin ah ayaa xalay lagu daadiyey gudaha magaalada
Beydhabo, iyadoo dadka ku dhaqan magaalada Beydhabo ay
saakay ku waabariisteen iyadoo waraaqo digniin ay hortuban
yihiin xaafadaha iyo waddooyinka magaalada Beydhabo.
Waraaqaha
digniinta ee lagu daadiyey magaalada Beydhabo ayaa dadka
shacabka ah looga digay in ay ka dheeraadaan goobaha ay
joogaan ciidamada
Ethiopia
iyo kuwa dowladda sida lagu qoray waraaqaha digniinta ah.
Ma cadda
cidda rasmiyan ka dambeysa waraaqaha hase ahaatee waxaa la
aamisan yahay in kooxaha ka horjeeda joogitaanka ciidamada
Ethiopia
iyo kuwa dowladda ay waraaqahaas ku daadiyeen magaalada
Beydhabo.
Sidoo kale
waraaqahan ayaa digniin loogu jeediyey dadka la shaqeeya
ciidamada
Ethiopia
kuwaas oo loogu hanjabay in la beegsan doono oo la dili
doono haddii aaney isaga harin arrimahaas.
Shacabka
ku dhaqan magaalada Beydhabo ayaa maanta si weyn u hadal
haya waraaqaha digniinta ah ee xalay lagu daadiyey gudaha
magaalada, iyadoo dad badan ay arrintaan cabsi xooggan ku
beertay.
Xafiiska Wararka
Ceegaag.com Muqdisho, Somalia
Axmed Aadan Ibraahim
axmedmadoobe@hotmail.com
webmaster@ceegaag.com |
